POP 5

Lajmet më të lexuara të 5 minutave të fundit

Ekonomi

Do të jetojë Nishani, 50 mln lekë
për rikonstruksionin e Vilës 4

Fond shtesë prej mbi 50 milionë lekësh për rikonstruksionin e vilës qeveritare numër 4. Ky është vendimi që ka marrë sot qeveria shqiptare në mbledhjen e radhës. (Në foto: Presidenti i Republikës, Bujar Nishani, dhe familja e tij)
Do të jetojë Nishani, 50 mln lekë <br />për rikonstruksionin e Vilës 4
TIRANE - Fond shtesë prej mbi 50 milionë lekësh për rikonstruksionin e vilës qeveritare numër 4. Ky është vendimi që ka marrë sot qeveria shqiptare në mbledhjen e radhës. Fondi në fjalë i kalon Drejtorisë së Shërbimeve Qeveritare dhe në vendim thuhet se "në buxhetin e saj, të miratuar për vitin 2012, t’i shtohet fondi prej 51 638 144 lekësh, për rikonstruksionin e plotë të Vilës nr.4 në Tiranë”.

Në faqen online të qeverisë theksohet se "ky fond të përballohet nga fondi rezervë i Këshillit të Ministrave”, ndërsa ngarkohen Ministria e Financave dhe Drejtoria e Shërbimeve Qeveritare për zbatimin e këtij vendimi.

Mësohet se në këtë vilë do të akomodohet Presidenti i Republikës, Bujar Nishani, i cili duket se ka vendosur që, ndryshe nga paraardhësi i tij Bamir Topi, të jetojë në rezidencë qeveritare.

Ky vendim i qeverisë vjen në një kohë kur ka pasur shkurtime të vendeve të punës në administratën publike dhe menjëherë pasi mediat zbuluan se qeveria shqiptare ka investuar me shuma mjaft të larta për rikonstruksionin e një vile qeveritare në bregdetin e Vlorës.

(jd/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Synon anëtarësimin në BE, Serbia dështon në hapjen e kapitujve

Synon anëtarësimin në BE, Serbia dështon në hapjen e kapitujve

25 Nëntor, 16:43