Pas tensioneve në veri të Kosovës, Rama dhe Vuçiç anulojnë në minutat e fundit pjesëmarrjen nesër në samitin për 'Ballkanin e Hapur' në Novi Sad

Kryeministri Edi Rama dhe Presidenti serb Aleksandër Vuçiç nuk do të marrë pjesë në samitin për "Ballkani i Hapur" që do mbahet nesër në Novi Sad. Një ndryshim i tillë ndodhi "në minutën e fundit", dhe arsyet e anulimit nuk dihen.

Në samit në vend të Vuçiç, do të jetë kryeministrja e Serbisë Ana Brnabić, ndërsa kryeministri i Maqedonisë së Veriut Zoran Zaev, do të jetë prezent nëpërmjet videokonferencës. Nuk dihet ende nëse do të ketë përfaqësues të Shqipërisë, pas anulimit të pjesëmarrjes nga Rama.

Në bazë të deklaratave të mëparshme, ishte planifikuar fillimisht që Vuçiç, Rama dhe Zaev do të flisnin nesër si dhe do të mbanin më pas edhe një konferencë për shtyp. Ky samit do të mbahet në përvjetorin e krijimit të nismës 'Mini Shengen' për bashkëpunimin ekonomik në Ballkan, takimi i parë i të cilit u mbajt në vitin 2019 në Novi Sad në tetor, dhe i cili kohët e fundit ndryshoi emrin në Ballkan të Hapur. Nisma bashkon Serbinë, Maqedoninë e Veriut dhe Shqipërinë. 

I pranishëm në Prishtinë një ditë më parë, gjatë vizitës zyrtare në Kosovë, Rama nuk i kurseu kritikat ndaj Serbisë në lidhje me çështje e reciprocitetit për targat, duke theksuar se e drejta është me Kosovën. Për konfliktin e krijuar ditët e fundit dhe lëvizjet e ushtrisë serbe në kufi, Rama tha se janë shfaqje teatrale-ushtarake që mbajnë peng serbët e Kosovës të cilët sipas tij janë më të sigurt se kurrë.

J.SH./Shqiptarja.com
  • Sondazhi i ditës:

    A duhet të ulen në tryezë Rama e Basha për të diskutuar për vettingun e politikanëve?

Komento

Komente

  • Arbër: 28/09/2021 21:25

    Wauu qfar triku, qdo gjë bëhet me koordinim të përbashkët nga këta dy lojtarë.

    Përgjigju


×

Lajmi i fundit

John

Basha akuza Ramës: Përcakton në zyrë se kush do të marrë tenderat, me procedurë korrekte kalojnë vetëm ato të BE-së