Zbulohet kontrata: Në kohën e COVID Lulzim Basha paguan kompaninë që lobon në SHBA për diktatorin (DOKUMENTAT)

TIRANË- Lulzim Bashës, nuk i ndahen skandalet sapo ai firmos një kontratë lobimi në SHBA. CNA.al ka mundur të sigurojë nga burime zyrtare kontratën e firmosur nga Gazmend Bardhi në emër të PD me Sonoran Policy Group, LLC, kompani lubuese në SHBA me qendër në Washington. Kontrata që mban firmën e Gazmend Bardhit dhe vulën e Partisë Demokratike, është deklaruar nga kompania Sonoran Policy Group, LLC në Departamentin Amerikan të Drejtësisë në datën 20 mars, pra vetëm një muaj më parë. Data zyrtare e firmosjes së kontarëts nga Gazmend Bardhi për PD mban datën 10 mars 2020. Sa pako ushqimore do të kishte blerë me 60 mije dollare për njerëz në nevojë në këtë kohë të vështirë për shqiptarët?

Kontrata e PD, firma Gazmend Bardhi

Kur bota po goditej nga pandemia e Covid-19, Luli conte sekretarin e tij për të firmosur në SHBA. Ka disa të dhëna se Lulzim Basha prej gati dy vjetësh nuk udhëton dot përtej oqeanit dhe për këtë ka pasur dhjetra raportime mbi mundësinë e refuzimit të vizës amerikanë ndaj tij.

Kontrata ka një vlerë prej 60 mijë USD dhe kompania lobuese do i mundësojë PD, takime dhe strategji në lidhje me cështjet e narkotrafikut dhe krimit të organizuar për ti diskutuar me zyrtarë të SHBA-ve. Afati i saj është deri në shtator 2020, pra ka një afat 6-mujor.

Kontrata e PD per 60 mije USD

Ky nuk është rasti i parë që PD firmos me  Sonoran Policy Group, LLC, kontrata e parë është firmosur në vitin 2018, Lulzim Bashës në atë kohë i kishte plasur skandali i kontratës mbi 1 milionë dollarë me kompaninë tjetër lobuese të Nik Muzin, hesap të cilin Lulzim Basha ende se ka zgjidhur me drejtësinë.

Partia Demokratike do të ketë zyrtarisht si kompani lobuese në SHBA të njëjtën që përdor edhe edhe diktatori i Venezuelës, Nicolas Maduros Moros, Presidenti i Venezuelës, një njeri i akuzuar për krime, i mbështetur nga Rusia dhe Putin si dhe një nga personat me të kërkuar nga DEA amerikane e cila për kokën e tij ka vënë një shpërblim 15 milion dollarë.

Sipas dokumentit të publikuar sërish në Departamentin Amerikan të Drejtësisë, rezulton se kompania lobuese ka deklaruar kontratën e saj në 20 janar 2020, pra gati dy muaj përpara se të firmoste me Gazmend Bardhin për Partinë Demokratike në emër të Lulzim Bashës.

Kontrata, firma e deleguar nga Pedrosa

Dokumenti i siguruar nga CNA.al tregon se rasti është më kompleks, kontrata më e gjatë dhe vlera më e madhe. Firma është hedhur nga prokurori i Venezuelës emëruar nga Maduro,  Reinaldo Monoz Pedoroza.

Reinaldo Muñoz Pedroza

Sonoran Policy Group, kompania që ka firmosur dhe PD, ka marrë 2 milion dollarë nga firma juridike Foley & Lardner për përpjekjen e saj për të për të këshilluar prokurorin e përgjithshëm të Venezuelës Reinaldo Munoz Pedroza se si të lehtësojë sanksionet e SH.B.A.-së ndaj Venezuelës.

Kontrata e Maduro pagesa 2 mln USD

Sipas letrës së saj të angazhimit të shërbimeve këshilluese, SPG do të ndihmojë F&L të zhvillojë informacione dhe njohuri të specializuara për këshillimin ligjor. SPG, e cila drejtohet nga Robert Stryk gjithashtu do të përfaqësojë klientët përpara Departamenteve të Drejtësisë / Shtetit / Thesarit. si dhe Shtëpia e Bardhë.

SHBA dhe rreth 60 vende të tjera nuk e njohin Maduron për president por njohin liderin e opozitës në Venezuelë, Juan Guaidó si drejtuesin e ligjshëm të vendit./CNA.al

B.K./r.k./Shqiptarja.com

TAG:
• lulzim basha
• PD