POP 5

Lajmet më të lexuara të 5 minutave të fundit

Kronikë

Dokumenti ekskluziv/ Si u fik radari i Sazanit në maj 2015 që Habilajt të transportonin drogën në Itali

Si kaluan trafikantët peshkarexhën plot me drogë më 6 maj 2015 kur fikën radarin e ushtrisë

Nga provat që ka paraqitur prokuroria në gjyqin ndaj ish-ministrit të Brendshëm, Saimir Tahiri ka dalë në pah një fakt mjaft I rëndë për influencën që kishin trafikantët në strukturat e shtetit. Në datën 6 maj të vitit 2016 kur një peshkarexhë italiane e ngarkuar me drogën e grupit të Habilajve u nis nga Shqipëria për në Itali radari i ushtrisë u fik për t’u mundësuar kalimin e lirë.

“Nga këqyrja, në datën 6 maj 2015, rezultoi se në orën 01:07, shënimi i njoftimit të marrë nga Q.N.O.D për një mjet që ishte duke u afruar me shpejtësi në drejtim të Himarës, drejt të cilit u dërguan BP-24: në orën 01.15, njoftimi i marrë nga Q.N.O.D për daljen jashtë funksionit të Radarit të Sazanit në orën 01:35 njoftimi i marrë nga BP-06 se objekti ishte peshkarezha “Rozeta 1” që ishte duke u kthyer nga Palermo”, thuhet në dokumentin që publikojnë ekskluzivisht Report Tv e Shqiptarja.com. Pra nga ky dokument del qartë se në momentin që anija e trafikantëve të drogës, në këtë rast e bandës së Habilajve, nisej për në Itali, radari si rastësisht dilte jashtë funksionit.

Duhet theksuar se gazeta “Shqiptarja.com” ka qenë e para që e ka ngritur shqetësimin e mosfunksionimit të saktë të radarëve të ushtrisë që në vitin 2015 me një cikël shkrimesh, duke I paraprirë debateve politike që vijuan më vonë mbi këtë temë midis opozitës e maxhorancës.

Oficeri i policisë Sokol Bode

Duhet theksuar se radari që është i vendosur në ishullin e Sazanit nuk varet nga ministria e Brendshme por nga ministria e Mbrojtjes. Implikimi I strukturave të ministrisë së Brendshme në këtë rast dalin tek përfshirja e Sokol Bodes, ish-shefit të kufirit për zonën bregdetare Dhërmi-Himarë.

“Sipas të dhënave të përftuara nga regjistri “26/2015 Dhërmi Libër Planizimi të Shërbimit SPK Dhërmi”, këqyrur në datën 9 maja 2018, rezulton planëzimi në shërbim i Sokol Bodes, në funksion të shefit të stacionit, për datën 5 maj 2015 (ditë e martë)”, thuhet në dokument. Sokol Bode është një nga tre oficerët e policisë që janë arratisur pas akuzave të prokurorisë për përfshirje të tyre në trafikun e lëndëve narkotike. Bode është cilësuar nga prokuroria si pjesë e bandës së Habilajve së bashku me ish-drejtorin e policisë së Vlorës Jaert Çela dhe oficerit të policisë Gjergji Kohila.

Dokumenti i Prokurorisë lidhur me fikjen e radarit

Peshkarexha “Fatima”

Duhet theksuar se peshkarexha në fjalë që ka kaluar në 6 maj është “Fatima”, anija ku prokuroria italiane ka bërë përgjimet që vërtetonin lidhjet e Habilajve me policinë shqiptare që nuk e shqetësonte bandën të ngarkonte thasët me cannabis në bregdetin e Dhërmiut. Ky fakt vërtetohet nga një deponim I një italiani të pyetur nga prokuroria italiane, I cili ka njohur pjesëtarët e bandës së Habilajve si bashkëpunëtorë të pronarit të peshkarexhës që merrte drogën nga Shqipëria.

“Gjithashtu rezulton deklarimi i Antonio Riela, dhënë në datën 24 janar 2018, si person nën hetim ose i hetuar për një krim të lidhur me të, i cili krahas njoftimit për bizhutë e blera nga Moisiu, njoftoi për mbështetjen e siguruara nga ky i fundit, tek një person i rëndësishëm në Shqipëri dhe për faktin e kryerjes së trafikimit me peshkarexhë në vitin 2015, e rezultuar peshkarexha “Fatima”…Gjatë pyetjes, personi nën hetim ju paraqit një album me njëzet e pesë fotografi, përgatitur nga Guardia Di Finanza. Njohu ndërmjet tyre, Sabi Çelaj, shqiptari që shkonte tek ai së bashku me Moisiun për të marrë paratë, Maridian Sulajn që shkonte tek ai për të dërguar lajmet e marra nga Moisiu në lidhje me lëndën narkotike, Rosario Giuliano, pronari i peshkarezhës që, në maj të 2015, u ofrua për të kryer transportin e lëndës narkotike dhe të armëve.”

/xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Drejtesia: 15/05/2018 13:05

    Kush qesh i fundit ai i fundose te paret! Te paret dihet kush jane, babezia e PD-se me Dule ne rresht dhe me orjentus Dash ava qe reh uj ne hava .

    Përgjigju
  • Moran: 15/05/2018 10:23

    Rama duet te japi dorheqjen

    Përgjigju
    • Drejtesia: 15/05/2018 13:01

      Ik o kopil , do jape Rama dorheqjen! Mos je ndonje nga keta opozitaret gjak prishur? Jepu uje jepu te dalin ne det te hapur me not se anie nuk kane me ata .

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Vijon puna në aksin Bogë-Theth për largimin e dëborës, borëpastrueset në terren

Vijon puna në aksin Bogë-Theth për largimin e dëborës, borëpastrueset në terren

26 Dhjetor, 10:36