Ambasadori amerikan Donald Lu dhe shkrimtari shqiptar Ismail Kadare janë takuar sot për herë të parë. “Ismail Kadare është një nga shkrimtarët më të mëdhenj të kohës sonë dhe një thesar kulturor për Shqipërinë. Ndihem i nderuar për mundësinë që mu dha për ta njohur nga afër"- u shpreh Ambasadori në fund të takimit. 

Takimi u zhvillua ndërsa është konfirmuar që flamuri shqiptar do të valëvitet jashtë kongresit të Shteteve të Bashkuara, në Washington D.C. në nderim të Z. Kadare. Ceremonia është traditë në Capitol Hill, për të nderuar kongresmenë dhe senatorë të shquar, por këtë herë do të jetë e veçantë, pasi do të nderojë një personalitet të shquar të kulturës së një vendi të huaj.

Redaksia Online
(m.p/shqiptarja.com)