Fëmijëve të lindur në SHBA nga prindër që nuk janë shtetas amerikanë, apo që janë emigrantë paligjshëm do t’u mohohet shtetësia amerikane. Këtë e ka bërë të ditur Presidenti amerikan, Donald Trump në një intervistë për emisionin Axios në kanalin HBO. Ai tha se ka në plan të nënshkruajë një urdhër ekzekutiv për t’i dhënë fund politikës aktuale, që parashikon të drejtën e shtetësisë në lindje. “Është në proces e sipër. Do të bëhet”, tha ai. “Ne jemi i vetmi vend në botë ku një person mund të vijë, të lindë një fëmijë dhe fëmija bëhet automatikisht qytetar amerikan me gjithë përfitimet e këtij statusi. Është qesharake.
Duhet të marrë fund”, shtoi kreu i shtëpisë së bardhë. Ndalimi i kësaj politike ka shumë gjasa që të përballet me sfida ligjore në gjykatë. Presidenti Trump tha se e kishte diskutuar këtë ide me këshilltarin e tij ligjor, i cili siç tha ai e informoi se nuk ka nevojë për një amendament kushtetues për t’i dhënë fund të drejtës për shtetësi në lindje. Plani i Presidentit Trump për t’i dhënë fund kësaj politike, i përshkallëzon edhe më tej përpjekjet e administratës së tij për ta bërë imigracionin një çështje madhore të fushatës para zgjedhjeve të 6 nëntorit për Kongresin.
Një sfidë ligjore do të thoshte se gjykatat duhet të marrin një vendim për një debat lidhur me Amendamentin e 14-të të Kushtetutës, ku thuhet: “Të gjithë personat që lindin ose që marrin shtetësinë në Shtetet e Bashkuara, si subjekt të këtij lloj juridiksioni, janë qytetarë të Shteteve të Bashkuara dhe të shtetit ku banojnë”. Megjithatë disa konservatorë këmbëngulin se amendamenti kishte si synim vetëm t’u siguronte shtetësinë foshnjave të lindura në Shtetet e Bashkuara nga prindër që janë ligjërisht banorë të përhershëm.
Lajme të tjera
-
A do të ndalohet TikTok në SHBA? Trump: Ndoshta duhet ta mbajmë edhe pak kohë
23 Dhjetor, 10:01 -
Marrëveshja për emigrantët, Meloni mbledh nesër qeverinë: Më duket se Kasacioni na ka dhënë të drejtë
22 Dhjetor, 11:51 -
Trump emëron të dërguarin e posaçëm në Mbretërinë e Bashkuar
22 Dhjetor, 09:28 -
Biden nënshkruan ligjin për financimin e qeverisë, shmanget mbyllja e pjesshme e saj
21 Dhjetor, 19:23 -
Trump do t’u kërkojë vendeve të NATO-s të rrisin shpenzimet për mbrojtjen në 5% të PBB-së
21 Dhjetor, 16:55 -
SHBA/ Dhoma e Përfaqësuesve miraton planin për buxhetin e qeverisë, do të shmangte mbylljen e pjesshme të saj
21 Dhjetor, 08:15 -
Qeveria amerikane rrezikon mbyllje të pjesshme në mesnatë
20 Dhjetor, 17:05 -
Zgjedhjet në Gjermani/ Elon Musk shpreh hapur mbështetjen për AfD-në, partinë e ekstremit të djathtë
20 Dhjetor, 16:49 -
Trump trysni për një marrëveshje që i jep fund luftës Rusi-Ukrainë
20 Dhjetor, 16:16 -
Inceneratori i Elbasanit/ Kantina e pijeve të Lefter Kokës i kalon shtetit, konfiskohen pasuritë e tij dhe 4 të tjerëve! Në total vlera 340 mln lekë
20 Dhjetor, 13:52 -
SHBA/ Joe Biden: Do marr pjesë në inaugurimin e Trump! Nuk do ndjek shembullin e tij 'fëmijëror' 4 vite më parë
19 Dhjetor, 19:42 -
VIDEOLAJM/ Karvani meksikan i emigrantëve vijon rrugëtimin drejt SHBA
19 Dhjetor, 15:58
