Kandidati republikan për President në SHBA, Donald Trump tha të enjten se nuk do të marrë pjesë në një debat tjetër presidencial përballë demokrates Kamala Harris. Disa anketime treguan se Nënpresidentja fitoi debatin e parë mes tyre të martën.
“Nuk do të ketë një debat të tretë”, shkroi ish-Presidenti në rrjetin Truth Social. Trump mori pjesë në debatin me Presidentin Joe Biden në qershor përpara debatit të 10 shtatorit me Nënpresidenten Harris.
Edhe pse Trump u krenua me paraqitjen e tij kundër Harris, 6 donatorë republikanë dhe tre këshilltarë të Trump i thanë agjencisë së lajmeve Reuters se Harris e kishte fituar debatin kryesisht sepse ish-Presidenti nuk u qëndroi besnik mesazheve që duhet të përcillte tek votuesit.
Sipas të dhënave të kompanisë Nielsen, rreth 67.1 milionë vetë ndoqën debatin presidencial të së martës, një rritje e theksuar e shikueshmërisë nga debati i qershorit që përfundimisht çoi në tërheqjen nga gara të Presidentit Joe Biden.
Duke folur në një tubim zgjedhor vetëm pak pasi zoti Trump kishte bërë njoftimin në Truth Social, kandidatja demokrate Kamala Harris tha se “besoj se e kemi detyrim ndaj votuesve një debat tjetër”. Ndërsa Trump shkroi në postimin e tij se anketimet tregonin se debatin e fitoi ai, disa sondazhe treguan se votuesit mendonin se zonja Harris u paraqit më mirë.
Sipas një anketimi bërë nga agjencia e lajmeve Reuters dhe firma e anketimeve Ipsos që u publikua të enjten, ndër votuesit që thanë se patën dëgjuar të paktën diçka rreth debatit të së martës, zonja Harris mori 53 për qind mbështetje, ndërsa 24 për qind prej tyre thanë se debatin e kishte fituar Trump.
Anketa tregoi se 52 për qind e votuesve të regjistruar besonin se një debat i vetëm mes të dyve mjaftonte, ndërsa 46 për qind do të donin një përballje të dyte mes kadidatëve. Sipas një anketimi të CNN të bërë pas debatit, shumica e shikuesve thanë se Harris pati një paraqitje më të mirë se Trump.
Një sondazh i bërë nga organizata britanike hulumtuese YouGov tregoi se 54 për qind e të anketuarve thanë se zonja demokratja Harris e kishte fituar debatin, kundrejt 31 për qind që mendonin se fitues ishte republikani Trump. Anketimet e mëparshme kanë treguar se dy kandidatët kanë në nivel mbështetjeje thuajse të njëjtë me njëri tjetrin përfshirë edhe në shtete që pritet të jenë vendimtare për rezultatin e zgjedhjeve./VOA
Lajme të tjera
-
Harris apo Trump? Papa Françesku i kritikon ashpër: Si aborti, si refuzimi i emigrantëve janë kundër jetës! Duhet zgjedhur e keqja më e vogël
13 Shtator, 21:25 -
Mazniku takon të Ngarkuarën me Punë të SHBA në Tiranë: Amerika mbështetëse kyçe në reformën për fuqizimin e pushtetit vendor
13 Shtator, 21:00 -
37 të dënuar me vdekje në Kongo, mes tyre dhe 3 amerikanë
13 Shtator, 20:56 -
SHBA/ 24 orë pas debatit presidencial, Harris grumbulloi 47 mln dollarë
13 Shtator, 20:42 -
Takim Biden-Starmer në Shtëpinë e Bardhë, ndërsa Ukraina kërkon lehtësim të kufizimeve ndaj armëve
13 Shtator, 18:41 -
Robert De Niro kundër Donald Trump: Ai është një republikan i etur për pushtet
13 Shtator, 17:01 -
'Mediat sociale dëmtojnë seriozisht shëndetin tuaj' 42 shtete amerikane kërkojnë të vendoset etiketë! Njësoj si për cigaret dhe alkoolin
13 Shtator, 15:51 -
VIDEO/ ‘Uragani Francine’ godet Luizianën, stuhi ere deri në 155 km në orë! Forca e saj nxjerr dhe lumin nga shtrati
13 Shtator, 13:26 -
PS nuk çoi në Kushtetuese mandatin e Xhaçkës, reagojnë ashpër ndërkombëtarët! SHBA: Kuvendi shpërfilli vendimin! BE: S'është hap në drejtimin e duhur
13 Shtator, 12:51 -
SHBA shqyrton mundësinë që Ukraina të përdorë raketat perëndimore për të goditur brenda Rusisë
13 Shtator, 08:19 -
Sot takimi Biden-Starmer, edhe Londra do i japë ‘dritë jeshile’ Ukrainës për raketat kundër Rusisë! Putin: Nëse përdoren, NATO në luftë me ne!
13 Shtator, 07:19 -
Trump: Sondazhet tregojnë qartë se unë fitova debatin ndaj Harris, nuk do të ketë një të tretë
13 Shtator, 00:22
