Donzhuani hollivudian
diagnostikohet me virusin HIV

Një yll hollivudian shumë i njohur thuhet të jetë diagnostikuar me virusin e HIV. Burri, emri i të cilit nuk bëhet me dije, ka gjithashtu edhe një listë të gjatë me të dashura të famshme.

"Lista e të dashurave të aktorit përfshin një aktore që është vlerësuar me një çmim, një yll kinematografik që praktikon fenë, një personalitet hollivudian me një të shkuar kontraversiale, një yll televiziv, një personalitet mediatik dhe një modele," ka raportuar The Sun.

Një burim i afërt me aktorin ka përforcuar zërat dhe ka pohuar se ai është i infektuar me HIV, gjë që e ka ditur prej disa vitesh. Mendohet se aktori do të ngrejë padi kundër femrave që dyshon se ia kanë transmetuar sëmundjen.

Edhe pse familjarë e të afërm i kanë propozuar ta pranojë publikisht sëmundjen, aktori ka preferuar të heshtë për hir të karrierës së tij.

Redaksia Online
(m.p/shqiptarja.com)