Në "San Siro", Milani fitoi 2-0 me Leccen në javën e 31-të në Serie A. Duhej dopieta e portugezit Leao, që kuqezinjtë e Piolit të merrnin tri pikë me vlerë në garën për të siguruar një vend në Champions League edicionin që vjen. Ndeshja u hap në të 40 minutë, me Leaon që shënoi me kokë pas asistit të Tonalit. Edhe 45 minutat e dyta folën për kuqezinjtë, me Leao-n që shënoi në minutën e 75-të për dopietë. Me 56 pikë, Milani mban vendin e pestë në Serie A, teksa Lecce me 28 pikë gjendet në vendin e 16-të.