Novak Djokovic deklaroi se ai shpreson që rasti i dopingut ku është përfshirë numri 1 i botës Jannik Sinner të “zgjidhet sa më shpejt", ndërsa kampioni olimpik kritikoi edhe një herë sistemin antidoping të tenisit dhe joefikasitetin e tij. Ndërhyrja e serbit erdhi pasi Agjencia Botërore Anti-Doping apeloi në Gjykatën e Arbitrazhit Sportiv kundër vendimit të një gjykate të pavarur në gusht për ta shpallur të pafajshëm italianin nga akuza e dopingut, pasi ai dështoi në testet e drogës në mars.
Sipas agjencisë, vendimi i gjykatës për pafajësi ishte jokorrekt referuar ligjeve në fuqi dhe do të kërkojë një periudhë pezullimi 1 apo dy vjeçare për kampionin e Australian Open dhe U.S. Open.
“Mendoj se është mjaft e qartë se ne kemi një sistem që nuk po funksionon mirë. Pra, them se kjo është ndoshta diçka që edhe njerëzit që nuk e ndjekin sportin tonë po e kuptojnë. Ka shumë mospërputhje, shumë organe qeverisëse të përfshira dhe e dini, vetëm ky rast nuk po e ndihmon aspak sportin tonë. Unë mendoj se ai i ka fituar tre apelimet deri më tani dhe duhet të jetë shumë e vështirë për të, ekipin dhe familjen e tij. Shpresojmë, ne mund t’i kthehemi tenisit. Është mbresëlënëse ajo që ai po bënte, në të gjithë procesin e asaj që po ndodhte, që ai po luan një nivel kaq të lartë.”
Gjykata, e organizuar nga Agjencia e Integritetit të Tenisit pranoi shpjegimin e Sinnerit se agjenti anabolik klostebol hyri në trupin e tij për shkak të neglizhencës së një anëtari të ekipit.
Numri 1 i botës shpjegoi se fizioterapisti i tij, Giacomo Naldi, përdori një spraj në një plagë në gishtin e vogël që përmbante edhe substancën e klostebolit, e gjithashtu i kreu masazhet ndaj sportistit pa përdorur doreza. Sipas Sinnerit sasia e substancës së përdorur në trup ishte ne një sasi shumë të ulët. Por nga disa tenistë ky shpjegim është konsideruar si i pakuptimtë.
Lajme të tjera
-
Fundi i një epoke, Rafael Nadal njofton tërheqjen nga tenisi i luajtur
10 Tetor, 11:42 -
Tenis/ Dramatike në Pekin, Alcaraz 'zbret nga froni' Sinnerin! Finalja e Kina Open zgjati 3 orë e 23 minuta
2 Tetor, 14:38 -
Nadal mungon edhe në Laver Cup: Lojtarët e tjerë mund të bëjnë më mirë se unë
14 Shtator, 22:13 -
Tenis/ Jannik Sinner shkruan historinë për Italinë, fiton për herë të parë US Open
8 Shtator, 22:50 -
Tenis/ Sinner dhe Musetti pa Kupën Davies: Duhet të kapin ritmin
7 Shtator, 20:18 -
Tenisti italian Jannik Sinner rezulton pozitiv në antidoping, por gjykata e shpall të pafajshëm: Ishte e pavullnetshme
20 Gusht, 18:06 -
Medalistët serbë të Paris 2024, festojnë me këngë nacionaliste për Kosovën
13 Gusht, 15:19 -
Paris 2024/ Novak Djokoviç dhe Carlos Alcaraz diskutojnë medaljen e artë në tenis
3 Gusht, 20:18 -
Jannik Sinner tërhiqet nga Lojërat Olimpike
24 Korrik, 19:10 -
Nadal mundet në finale e Swedish Open
23 Korrik, 18:17 -
Rafa Nadal, historia s'përfundon në Paris! Spanjolli merr pjesë në US Open
17 Korrik, 14:33 -
Tenis/ Alcaraz është 'mbreti' i Wimbledon, nxjerr në pension Novak Djokovicin
14 Korrik, 17:42
