Dorëheqja e Tahirit, kreu i FRPD: Kusht i BE, do arrestohet shumë shpejt

Kreu i FRPD, Belind Këlliçi, ka reaguar pas dorëzimit të mandatit të deputetit nga Saimir Tahiri, duke theksuar se kjo legjitimoi akuzat e opozitës. Këlliçi paralajmëron se shumë shpejt do të ndodhë arrestimi i Tahirit, pasi sipas tij, dorëheqja e tij është kusht i BE.

Më tej, kreu i FRPD shkruan në ‘Facebook’ se Rama ishte ideatori i kanalizimi të vendit, ndërsa Tahiri thjesht ushtari i tij, duke shtuar se tani që nuk i duhet më kryeministri e hodhi në rrugë si limon të shtrydhur.

"Lënia e mandatit të deputetit nga Tahiri legjitimoi akuzat e opozitës, ai sot duhet falenderuar sepse po tregon fytyrën kriminale të qeverisë, por drejtësia të veprojë menjëherë. Opozita prej 2013 e ka akuzuar Saimir Tahirin, se me bekimin e Ramës mbolli Shqipërinë me kanabis duke na bërë eksportuesin më të madh të kësaj droge në Europë.

Të rinjtë u bënë në masë përdorues droge duke shkaktuar plagë sociale që do mbeten gjatë hapur, ndërsa bandat kriminale të 1997 u riaktivizuan për tu bërë pjesë e tepsisë. Qeveria Rama i quante akuzat politike, por dielli nuk mbulohej me shoshë, plani u doli jashtë parashikimit, kriminelët u fuqizuan e morën peng edhe ministrin Tahiri dhe vetë qeverinë.

LEXO EDHE:
Adriatik Doçi: E vërteta e hetimit të Belind Këlliçit dhe kur gomarin e ha ujku nga pas në ëndërr! Dy fakte penale për SPAK-un

Koha tregoi se opozita kishte të drejtë por drejtësia e kalbur nuk reagoi në kohë, e për pasojë edhe sot, Saimit Tahiri që duhej të ishte në burg për trafik droge, del e na jep leksione morali. Dorëheqja e Saimir Tahirit nga kuvendi është kusht i BE-së ashtu sikur edhe arrestimi që do të ndodhë së shpejti, por organet e drejtësisë duhet të merren edhe me padronin e tij Edi Rama.

Ky i fundit është ideatori i kanabizimit të vendit, Tahiri ishte thjesht ushtari i tij. Sakaq tashmë që nuk i nevojitet Rama e hodhi Tahirin në rrugë si limon të shtrydhur. Sot qeveria nuk ka kohë të merret me kanabis prandaj sakrifikoi Tahirin dhe një ustai te vjetër si Fatmir Xhafaj, i besoi postin e Ministrit të Brendshëm që të merret me kokainë.

Bandat e kokainës që operojnë nga Amerika Latine në Europë e Australi po pushtojnë mediat, ndërsa Ministri i ri i Brendshëm del dhe flet për sigurinë duke thënë kemi identifikuar banda këtu e atje, por bandat po pastrojnë paratë e tyre në koncensionet e qeverisë dhe bashkisë së Lali Erit. Saimir Tahiri duhet dënuar për krimet e tij, por ama duhet falenderuar se sot tregoi fytyrën e vërtetë të kësaj qeverie, e cila është peng i krimit"

Belind Këlliçi, kreu i FRPD

TAG:
• belind këlliçi
• saimir tahiri

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19.9%

• Jo

  74.7%

• Nuk e di

  5.4%

Vota total: 478

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di