Dosja Babale, shtyhet sërish gjyqi për Ervin Salianjin! Mungoi avokati i Olldashit! Visha: Po zvarritet procesi

Dosja Babale, shtyhet sërish gjyqi për Ervin Salianjin! Mungoi avokati i Olldashit! Visha: Po zvarritet procesi

Seanca ndaj deputetit demokrat Ervin Salianji për dosjen 'Babale', është shtyrë sërish. Avokati i Jetmir Olldashit, Indrit Sefa paraqiti kërkesë për shtyrje, për arsye shëndetësore. Pas mungesës së avokatit Sefa, gjykata e Apelit vendosi të shtyjë seancën për në datën 22 maj ora 10:00.

Avokati i cili po mbron, Geron Xhafën,  Ardian Visha kërkoi sërish që të caktohej avokat kryesisht, pasi po zvarritet procesi.

‘Tregues nuk është vetëm koecidenca e sëmundjes së avokatëve, por edhe mungesa e të gjithë Asamblit të deputetëve që gjithmonë vijnë në seancë! Nuk është rasti që kur sëmurë avokati mundon edhe i pandehuri. Duhet të caktohet avokati kryesisht.’- tha Visha.

Seancën e mëparshme mungoi avokati i Salianjit.

Në Apel deputeti Salianji kundërshton dënimin me 1 vit burg dhënë nga Gjykata e Tiranës në dhjetor të vitit 2019, pasi u shpall fajtor për akuzën e “kallëzimit të rremë”. Ndonëse u dënua me burg, ai nuk shkoi ne qeli, pasi u hetua dhe gjykua pa mase sigurie. Vendimi i Shkallës së Parë për 100 orë punë në interes të publikut është ankimuar edhe nga i bashkëpandehuri në këtë çështje, gazetari Jetmir Olldashi.

Sipas Gjykatës së Tiranës, ish-deputeti Salianji dhe gazetari kanë inskenuar një audio-përgjim dhe akuza të rreme penale ndaj vëllait të ish-ministrit të Brendshëm, Fatmir Xhafa.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 09/05/2024 02:50

    Dhe ky gjyq po zhvillohet ne Tirane dhe te gjitha palet perfshi dhe perfaqesuesit ligjore jane po ne Tirane.Tani imagjinoni pak, fale hartes se re gjyqesore, /viktima/ te kesaj skeme /mungesash te justifikueshme/ te jene njerez te thjeshte,me mundesi ekonomike te kufizuara dhe aq me keq,te detyrohen te shkojne me mjete transporti larg qyteteve ku banojne.Humbet nje dite pune,humbet financat e nje dite per te blere gaz, nese e ke makinen tende,ose per te blere bilete kur udheton me autobuz/tren,dhe kur paraqitesh ne kohe ne gjykate,te dalin e te thone, se seanca shtyhet, se avokatin tend /e ka zene rrufa/,shkon perseri javen/muajin tjeter e te thone ,avokati i kundershtarit mungon /se nuk ka lexuar mire dosjen/,prape shtyhet seanca e prape kur shkon, te thone qe gjykatesi mungon ,se eshte me/te prera barku/!Nuk jane te tere Salianje e Xhafaj per nga mundesite financiare, per nga koha e bollshme ne dispozicion dhe mundesite e transportit.I duhet dhene fund ketyre /mungesave me arsye/ se po i torturoni njerezit!

    Përgjigju
  • Sondazhi i ditës:

    EURO 2024/ Fillojnë ndeshjet e fundit, a mendoni se Shqipëria kalon grupin?



×

Lajmi i fundit

Eduard Zaloshnja: Më modestë në sulm se Spanja, por më efektivë statistikisht…

Eduard Zaloshnja: Më modestë në sulm se Spanja, por më efektivë statistikisht…