TIRANE- Dhjetë ditë pasi Ardian Bitraj, rrëfeu para drejtorëve Dorian Çollaku, Eduard Sinani dhe Altin Naqe supervjedhjen e parave në Bankën e Shqipërisë, ky institucion ka marrë masat e menjëhershme, duke blerë dy kasaforta. Pikërisht këto kasaforta që duhet të ekzistonin në ambientet e Thesarit të Shtetit qysh prej vitit 2009, ku do të mbylleshin çelësat dublikatë të Arkës Stok dhe Arkës në Veprim, janë blerë nga banka, 10 ditë pas plasjes së skandalit të vjedhjes së 713 miliard lekë të vjetra.