Dosja Habilaj, PD: Përgjimet provuan lidhjen e Tahirit me trafikun e drogës

TIRANE-Partia Demokratike vijon që të kërkojë arrestimin e ish-ministrit të Brendshëm Saimir Tahiri. Nënkryetari i Grupit Parlamentar të PD-së, Enkelejd Alibeaj në një deklaratë për mediat shprehet se ditët e fundit nga përgjimet kanë dalë prova të tjera që lidhin Tahirin me bandën e Habiljave në trafikun ndërkombëtar të drogës.

Por këto prova, sipas tij, “që përbëjnë bazën e vendimit të Gjykatës së Krimeve të Rënda për të arrestuar drejtuesit më të lartë të Policisë së Vlorës, janë bërë të pavlefshme për arrestimin e Saimir Tahirit, sepse ish Ministri i Brendshëm, ka mbrojtjen politike të Kryeministrit të vendit”.

Enkelejd Alibeaj mbyll reagimin e tij duke theksuar se kostoja e imunitetit politik për Saimir Tahirin mund të rezultojë shumë e lartë për shqiptarët, “përderisa vendet anëtare të Bashkimit Europian kërkojnë Saimir Tahirin para drejtësisë që Shqipërisë t’i hapen negociatat e anëtarësimit”.

Nga përgjimet e autoriteteve italiane provohet se Saimir Tahiri, Ministër i Brendshëm, Jaeld Çela, Drejtor i Policisë së Vlorës i emëruar nga Tahiri, Florian dhe Moisi Habilaj, trafikantë droge që përdornin makinën e Tahirit, Gentian Çeka, shofer personal i Tahirit dhe Orest Sota, mik i Tahirit që iu gjetën 863 mije euro me patentat e Tahirit, janë një grup i strukturuar kriminal, secili me rolin e vet, me qëllimin  e përbashkët, trafikimin e kanabisit drejt Italisë.

Por këto prova, që përbëjnë bazën e vendimit të Gjykatës së Krimeve të Rënda për të arrestuar drejtuesit më të lartë të Policisë së Vlorës, janë bërë të pavlefshme për arrestimin e Saimir Tahirit, sepse ish Ministri i Brendshëm, ka mbrojtjen politike të Kryeministrit të vendit. Këto prova të implikimit të Tahirit në trafikun e drogës, si dhe shumë të tjera për të cilat Edi Rama është në dijeni, janë arsyeja pse Kryeministri e ktheu Parlamentin në një Gjykatë Politike, duke mos lejuar Drejtësinë të bëjë detyrën.

LEXO EDHE:
Tiranë/ Për të dytën herë SPAK kërkon pushimin e çështjes për Selim Çekajn, akuza për përfshirje në trafik droge nuk vërtetohet! Gjykata shtyn vendimin

Me vendimin për të mbrojtur Saimir Tahirin dhe për të mbyllur hetimet ndaj tij, Edi Rama nuk mbron thjesht ish Ministrin e tij të Brendshëm, por mbron pushtetin e tij, që i ka rrënjët tëk kanabizimi i vendit nëpërmjet kriminlaizimit të policisë, i vetmi projekt i suksesshëm i kryeministrit Rama.

Kostoja e imunitetit politik për Saimir Tahirin mund të rezultojë shumë e lartë për shqiptarët, përderisa vendet anëtare të Bashkimit Europian kërkojnë Saimir Tahirin para drejtësisë që Shqipërisë t’i hapen negociatat e anëtarësimit.

Deklarata e nënkryetarit të Grupit Parlamentar të PD-së, Enkelejd Alibeaj

Pak ditë më parë u zbuluan përgjime të tjera nga grupi i trafikantëve. Komunikimet në Chat kanë zbuluar se pjesë e grupeve kriminale në Vlorë, ishin dhe drejtuesit e lartë të policisë së këtij qarku. Jaeld Çela, Gjergji Kohila dhe Sokol Bode, mbështesnin dhe jepnin garanci të plotë kultivuese, për të mbjellë sasinë e drogës.

 

/b.ha./Shqiptarja.com

TAG:
• trafik droge
• enkelejd alibeaj
• saimir tahiri
• jaeld cela
• moisi habilaj