POP 5

Lajmet më të lexuara të 5 minutave të fundit

Kronikë

Dosja 'Hajdari' 21 vite pa vendim! Apeli rihap procesin për Izet Haxhinë: KLGJ të sjellë gjyqtar me Vetting

Dosja “Hajdari” e cila ka konsumuar mijëra orë gjykim, mbi 60 gjyqtarë prej nisjes së saj e pas 21 vitesh ende s'ka një vendim final të drejtësisë shqiptare. Avokati i Izet Haxhisë për të cilin është vendosur rigjykimi për vrasjen e Azem Hajdarit, deklaron se nuk pranojnë gjyqtarë pa Vetting në procesin e tyre dhe akuzon se prova e vetme e pavërtetë që mban Haxhinë në burg është kallëzimi që ka bërë ish presidenti Berisha në ambasadën e SHBA-ve në vitin 1998.

12 shtator 1998 do të shënonte vrasjen e shekullit duke tronditur opinionin publik dhe politikën shqiptare. Azem Hajdari lideri i Lëvizjes Studentore '90, ekzekutohej pak metra nga selia e Partisë Demokratike.

Për këtë krim me burgim të përjetshëm është dënuar Jaho Salihi Mulosmani, Ismet Haxhia i cili tashmë ka lënë qelinë dhe Izet Haxhiaj ish-truproja presidentit Sali Berisha.

Por pas 21 vitesh nga ky krim, drejtësia shqiptare ende s'ka një vendim final se cila është lidhja e Izet Haxhisë me këtë krim.

Nëse më parë ai ishte dënuar në mungesë me 25 vite burg pak muaj më parë ai arriti të fitoj në shkallë të parë dhe apel të drejtën e rigjykimit.

Çfarë ndodh sot me procesin Hajdari?

Sipas materialit të siguruar nga ReportTv për këtë dosje janë kryer 6 seanca dhe të premten më 13 shtator do të zhvillohet seanca e shtatë.

Aty ku në cilësinë e trazhgimtarëve të viktimave, familja Hajdari nuk është paraqitur në asnjë seancë.

Në një reagim për Report Tv avokati i Izet Haxhisë, Bashkim Nikolli thotë se kërkon gjyqtar që të kenë kaluar Vettingut.

"Të vendoset nga këshilli i Lartë Gjyqësor. Një ekip tjetër me qëllim...siç u veprua në Gjykatën e Apelit. I duam të kenë kaluar Vettingun." ka deklaruar fillimisht Nikolli.

I pyetur se si është përfshirë Haxhiaj në këtë proces pasi ai pretendon pafajsinë, Bashkim Nikolli sqaron se ka qenë ish presidenti Berisha që e ka përfshirë.

Po të marrim dosjen nuk ka një dëshmitar, nuk ka një provë ta bëj atë fajto. Ka një provë. Organizuas , shtytës apo prova. Prokurori i çështjes u kap me një mal me para. I gjithë raporti i SHISH nuk ka. Ka vetëm një  deklaratë në ambasadën e SHBA. Ai njeri që nuk deklaroi asnjëherë se cili ishte pozicioni i Izet Haxhise. Sali Berisha. Sepse ai është kryesori, po të mos ishte ai nuk do të ndodhte vrasja." ka thënë më pas ai.

Bashkim Nikolli hedh poshtë mundësinë e një gjykimi të shkurtuar në këtë proces duke deklaruar se do të përballen e ballafaqohen me të gjitha provat e faktet.

"Nuk kemi përmendur gjykim të shkurtuar. Një për një të gjitha provat. I kemi paraqitur here pas here. Te gjykojë." ka thënë në fund Nikolli.

Në gjykatë është depozituar edhe kërkesa për të ftuar mbi 40 dëshmitarë të kohës nga ish presidenti Berisha, kreu i SHIH asokohe e zyrtarë, gazetar e persona publik, ndërsa gjykata ende s'ka marrë vendim nëse do të pranoj apo jo këtë kërkesë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Juventusi i vendos kushte Ardian Ismajlit

Juventusi i vendos kushte Ardian Ismajlit

2 Nëntor, 11:12