TIRANË- Shqiptarja.com dhe Report Tv kanë në dorë dosjen prej 500 faqesh ku prokurorët e SPAK kanë faktuar provat për të cilat kanë marrë të pandehur ish kryeministrin Sali Berisha dhe dhëndrin e tij Jamarbër Malltezi për aferën e privatizimit të ish kompleksit Partizani. Në dosje prokurorët e SPAK kanë përcaktuar vlerat reale të dëmit miliona lekë që i janë shkaktuar shtetit përmes privatizimit të ish kompleksit Partizani dhe ndërtimit aty të 19 kullave.
Dy prokurorët e dosjes, Arben Kraja dhe Enkeleda Millonai kanë treguar si u manipulua procesi i vlerësimit të ndërtesave të kompleksit sportiv 'Partizani' mbi tokën e familjes Begeja të cilat u shembën për të ngritur kullat por që për ta duhej të ishte dëmshpërblyer shteti.
SPAK ka zbuluar se nuk është caktuar vlera reale e ndërtesave të këtij kompleksi por një shifër qindra milionëshe herë më e vogël. Jo vetëm kaq Malltezi dhe Bekatshi kanë marrë dhe ndërtuar kullat dhe në 870 metra katror që ishte tokë shtetërore dhe është marrë pa paguar asnjë lek si kompensim shtetit
Në dosjen e SPAK thuhet se dy anëtarët që ishin caktuar në komisionin e vlerësimit të ndërtesave të kompleksit Partizani kishin lidhje me Fatmir Bektashin, ndërtuesin dhe Argita Malltezin, vajzën e ish kryeministrit Sali Berisha dhe bashkëshorten e Jamarbër Malltezit.
SPAK ka bërë një ekspertizë të re financiare nga ku ka rezultuar se komisioni "nuk ka bërë vlerësimin real duke i shkaktuar shtetit një dëm prej 436 milionë lekësh (saktësisht 436. 444. 444 lekë të reja) "
Pra shtetit nga këto privatizime, i ka ardhur një dëm në vlerën 436 444 444 lekë" shkruhet në dosje.
Në dosje thuhet se është paguar 53 milionë lekë për vlerësimin e ndërtesave nga 489 milionë lekë që ishte vlera reale.
Foto: Pjesë nga dosja e vlerësimit të banesave, dëm buxhetit prej 436 milionë lekësh
Morën 857 metra katrorë tokë shteti! Nuk paguan 23 milionë lekë
Ndërtimi i kullave nuk është bërë vetëm në tokën që u takonte si pronarë, por dhe në një sipërfaqe tokë shtet pa i paguar asnjë qindarkë këtij të fundit. Në dosje zbulohet se është ndërtuar në një sipërfaqe prej 857 metra katrorë që nuk ishte pjesa e pronave të tyre por ishte pronë shtetit. SPAK thotë se për këtë vlera e dëmit që i është shkaktuar shtetit është gati 23 mln lekë (saktësisht 22. 956. 459 lekë të reja).
Nga verifikimi i dokumentacionit të pronësisë dhe krahasimit të hartave të pronës së ish pronarëve me gen planin e objektit që privatizohet dhe HTR të lëshuara nga ZRPP rezulton se për objektin "Terrenet sportive dhe objektet e klubit të futbollit Partizani" me vendndodhje në rrugën Frosina Plaku Tiranë, një pjesë e truallit prej 857 m2 nuk përfshihet në pronën e njohur ish pronarëve të truallit të sipërpërmendur.. Siç mund të konstatohet, nga ana e këtij komisioni, është konkluduar se sipërfaqa e truallit shtesë, që nuk përfshihet në pronën e njohur ish pronarëve të truallit është 857 m2. Pasur parasysh vlerën prej 26 787 m2 X 857 m2, sipas përllogaritjeve të këtij komisioni, familjet që po kryenin privatizimin, duhet të paguanin edhe shumën prej 22 956 459 lekë.
Ndërkohë nga interpretimi i kontratës së mësipërme, është shitur e gjithë prona, përfshirë edhe sipërfaqen prej 857 m2 me kushtin që ta bëjnë brenda 30 ditëve pas konfirmimit nga ZRPP. Kjo pagesë prej 22 956 459 lekë nuk është bërë asnjëherë, duke sjellë kështu dëm në interesat e shtetasit" shkruhet në faqen 25-26 të dosjes.
Foto: Pjesë nga dosja ‘Partizani’ ku saktësohet dëmi i shkaktuar shtetit nga mos pagimi për 857 metra katrorë tokë shtet mbi të cilën kishin ndërtuar Bektashi dhe Malltezi
Dikur Klubi Sportiv Partizani
Klubi sportiv "Partizani" ishte kompleksi më i rëndësishëm sportiv në pronësi të Ministrisë së Mbrojtjes, jo shumë larg nga qendra e Tiranës, ku sot janë ngritur 19 kulla në Rrugën "Frosina Plaku", tek Ish Fusha e aviacionit. Struktura e ndërtuar nga regjimi komunist per 60 vite ishte simboli i sportit shqiptar dhe kampionëve të tij të mëdhenj. Struktura përbëhej nga palestra, pishina, pista atletike, fusha vollejbolli dhe basketbolli për një sipërfaqe totale prej mbi 26 mijë metra katrorë. Për vite me radhë, edhe pas rënies së regjimit, u bë një nga qendrat e pakta sportive në kryeqytet, ku kaluan mijëra sportistë çdo vit. Struktura sportive ishte përfshirë në të ashtuquajturin ''plani i përhapjes'' të ministrisë së Mbrojtjes dhe forcave të armatosura, domethënë një listë që përfshin pronat ushtarake që Presidenti i Republikes dhe gjeneralët i konsiderojnë strategjike deri kur, Sali Berisha u kthye në pushtet ne vitin 2005.
(Foto: Si ishte kompleksi sportiv Partizani, që u shemb për të ndërtuar kullat Jamarbër Malltezi)
Dosja
Më 11 shtator 2024 SPAK mori të pandehur ish kryeministrin Sali Berisha dhe dhëndrin e tij Jamarbër Malltezi. Një ditë më pas për këtë dosje u morën nën akuzë Fatmir Bektashi, ndërtuesi dhe ortaku i Malltezit, Xhimi Begeja.
SPAK akuzon Berishën se gjatë kohës që ka qenë në qeverisje pas fitores së zgjedhjeve të 2005 ka favorizuar dhëndrin e tij Jamarbër Malltezi, një nga ish pronarët e truallit, për privatizimin e ish kompleksit Partizani ku më pas u ngrit kompleksi pallateve. Malltezi është marrë i pandehur për “korrupsion pasiv të funksionarëve të lartë shtetërorë”, të kryer në bashkëpunim me ish kryeministrin si dhe “pastrim parash".
Ndërkohë ortaku i Malltezit, Xhimi Begeja, një nga trashëgimtarët e truallit së bashku me dhëndrin i ish-kryeministrit Sali Berisha, të dy të pandehur, rezultojnë të kenë qenë pronarët në hije me 60 për qind të aksioneve në kompaninë e ndërtimit “Homeplan”, që ngriti 19 kulla në kompleksin Magnet në tokat e “ish Klub Partizanit”.
Tirane- Në dosjen e SPAK prej 500 faqesh për aferën e privatizimit të sport klub 'Partizani', të cilën Shqiptarja.com dhe Report tv e disponon prokurorët e SPAK hedhin poshtë pretedimin e Sali Berishës dhe Jamarbër Malltezit se ka qenë Rama që në 2006 ka ndryshuar destinacionin nga sportiv në shesh ndërtimi.
Në dosje evidentohet kontrata e sipërmarrjes e datës 22 tetor 2007 e lidhur mes Jamarbër Malltezit në cilësinë e përfaqëuesit të familjes Begeja si palë pronarë dhe shoqërisë ‚Kontakt‘ të Fatmir Bektashit në cilësi të palës sipërmarrëse që do të zhvillonte ndërtimin e kullave.
Në nenin 4 të kontratës është shënuar ndërrimi i destinacionit ku ndodhet trualli. „Nga zona sportive në zonë banimi, 24 muaj nga data e nëshkrimit të kësaj kontrate.“
Kjo hedh poshtë pretendimin e Jamarbër Malltezit dhe ish kryeministrit Sali Berisha se ndërrimin e destinacionit e kishtë bërë Rama në 2006 por e kanë kërkuar në kontratën që është firmosur nga Bektashi dhe Malltezi.
Pra deri në 2007 kur dhe është firmosur kontrata nuk ishte bërë ndryshimi i destinacionit të përdorimit për terrene të Ish Klubit Partizani, nga sportive në të ndërtueshme, në zonën ku do të ndërtohen më pas kulla. Dhe Bektashi ia ka saktësuar në nenin 4 të kontratës së 22 tetorit 2007 kërkesën Malltezit.
Në dosjen e SPAK thuhet se kjo kërkesë e kontratës u arrit me firmosjen e Sali Berishës ndër të tjera dhe përmes ndryshimeve të ligjit të sportit, në qershor 2008 që hiqnin çdo pengesë ligjore në privatizimin e ish-kompleksit Partizani ku përfitues direkt ishte dhëndri i tij.
Leja e ndërtimit brenda 12 muajve
Në dosjen e SPAK prokurorët Arben Kraja dhe Enkeleda Millonai evidentojnë se ishte dhëndri i Berishës, Jamarbër Malltezi ‚kishte marrë përsipër dhe lejen e ndërtimit brenda 12 muajve nga nënshkrimi i kontratës“
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
"Rezultojnë të kenë qenë pronarët në hije me 60 për qind të aksioneve në kompaninë e ndërtimit “Homeplan”, që ngriti 19 kulla në kompleksin Magnet në tokat e “ish Klub Partizanit”. Praktikisht pastruan 300 milione euro cash qe vodhen ne Durres-Kukes. Llogaritni edhe fitimin 400-500 eur per m2. Ne fund te dites pasuria grabitur e Berishajve i kalon 1 miliard euro
PërgjigjuPo nuk doli gjykata me vendim konfiskimi dhe banka e shqiperise te deklaroj se sa lek u arketuan nga keto konfiskime asgje nuk besohet. Sepse burg saliu ska per te bere Por konfiskimi i pasurive eshte me i rende se burgu.
PërgjigjuShteti duhet ti konfiskoi tē gjith pasurin familjes kriminele hajdute Sali edepsēz Bajgēs. Leku i duhet kthyer popullit tē varfēr e pensjonistve tē mbaruar. Kur do i konfiskohet pasuria se sy peshkaqeni xen po shētit Botēn me kto lek tē vjedhura. Pra ēshtē kaluar çdo kufi zoti Dumani.
PërgjigjuTani pervec burgut,gjykata duhet t'i detyroje keta te gjithe te kthejne /demin financiar/ qe i shkaktuan shtetit plus vleren e prones publike qe e morren falas.
Përgjigju