POP 5

Lajmet më të lexuara të 5 minutave të fundit

Kronikë

Dosja 'Partizani'/ SPAK: Bektashi e Malltezi në kontratë specifikuan ndërrimin e destinacionit të truallit! Berisha e firmosi! Dhëndri mori përsipër lejen e ndërtimit brenda 12 muajve 

Shqiptarja.com dhe Report Tv kanë në dorë dosjen prej 500 faqesh ku prokurorët e SPAK kanë faktuar provat për të cilat kanë marrë të pandehur ish kryeministrin Sali Berisha dhe dhëndrin e tij Jamarbër Malltezi për aferën e privatizimit të ish kompleksit Partizani. SPAK: Ndryshimi i destinacionit të klubit Partizani, nga sportiv në shesh ndërtimi u përcaktua në kontratë. 

Tirane- Në dosjen e SPAK prej 500 faqesh për aferën e privatizimit të sport klub 'Partizani', të cilën Shqiptarja.com dhe Report tv e disponon prokurorët e SPAK hedhin poshtë pretedimin e Sali Berishës dhe Jamarbër Malltezit se ka qenë Rama që në 2006 ka ndryshuar destinacionin nga sportiv në shesh ndërtimi.

Në dosje evidentohet kontrata e sipërmarrjes e datës 22 tetor 2007 e lidhur mes Jamarbër Malltezit në cilësinë e përfaqëuesit të familjes Begeja si palë pronarë dhe shoqërisë ‚Kontakt‘ të Fatmir Bektashit në cilësi të palës sipërmarrëse që do të zhvillonte ndërtimin e kullave.

Në nenin 4 të kontratës është shënuar ndërrimi i destinacionit ku ndodhet trualli. „Nga zona sportive në zonë banimi, 24 muaj nga data e nëshkrimit të kësaj kontrate.“ 

Kjo hedh poshtë pretendimin e Jamarbër Malltezit dhe ish kryeministrit Sali Berisha se ndërrimin e destinacionit e kishtë bërë Rama në 2006 por e kanë kërkuar në kontratën që është firmosur nga Bektashi dhe Malltezi.  

Pra deri në 2007 kur dhe është firmosur kontrata nuk ishte bërë ndryshimi i destinacionit të përdorimit për terrene të Ish Klubit Partizani, nga sportive në të ndërtueshme, në zonën ku do të ndërtohen më pas kulla. Dhe Bektashi ia ka saktësuar në nenin 4 të kontratës së 22 tetorit 2007 kërkesën Malltezit.

Në dosjen e SPAK  thuhet se kjo kërkesë e kontratës u arrit me firmosjen e Sali Berishës ndër të tjera dhe përmes ndryshimeve të ligjit të sportit, në qershor 2008 që hiqnin çdo pengesë ligjore në privatizimin e ish-kompleksit Partizani ku përfitues direkt ishte dhëndri i tij.

Leja e ndërtimit brenda 12 muajve 

Në dosjen e SPAK prokurorët  Arben Kraja dhe Enkeleda Millonai evidentojnë se ishte dhëndri i Berishës, Jamarbër Malltezi  ‚kishte marrë përsipër dhe lejen e ndërtimit brenda 12 muajve nga nënshkrimi i kontratës“


Lajmi kryesor:

Dosja Partizani/ Akuzat e reja të SPAK: Si u manipulua vlerësimi i ndërtesave të kompleksit! Shmangën pagesën e 436 mln lekë! Morën edhe 857 m2 tokë shtetërore e s’paguan 23 mln lekë!
S.G/SI.E./Shqiptarja.com
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Kreu i OBSH-së i shpëton sulmeve të Izraelit në Jemen, ndodhej në aeroportin e Sanas gjatë bombardimit! 2 të vdekur dhe disa të plagosur

Kreu i OBSH-së i shpëton sulmeve të Izraelit në Jemen, ndodhej në aeroportin e Sanas gjatë bombardimit! 2 të vdekur dhe disa të plagosur

26 Dhjetor, 18:31