POP 5

Lajmet më të lexuara të 5 minutave të fundit

Politikë

Drafti i dorëzuar nga PS/ Bylykbashi: PS po minon Reformën Zgjedhore me amendamente të njëanshme

Sipas Bylykbashit, qëllimi i PS është që të sabotojë Reformën Zgjedhore.

Drafti i dorëzuar nga PS/ Bylykbashi: PS po minon Reformën Zgjedhore me amendamente të njëanshme

Oerd Bylykbashi, bashkëkryetar i Komisionit Parlamentar për Reformën Zgjedhore

Pas depozitimit në Kuvend të një projektligji nga Pëartia Socialiste për Reformën Zgjedhore (LEXO KËTU), ka ardhur reagimi edhe nga Partia Demokratike. Oerd Bylykbashi, bashkëkryetar i Komisionit Parlamentar ad-hoc për Reformën Zgjedhore, në një reagim për mediat, thotë se PS po minon Reformën Zgjedhore me amendamente të njëanshme.

“Me paraqitjen e draftit të njëanshëm  të amendamenteve të Kodit Zgjedhor, PS në mënyrë të përsëritur po minon reformën zgjedhore. Ky akt tregon qartë se i vetmi qëllim i PS është të sabotojë reformën zgjedhore.”-thotë Bylykbashi. Bylykbashi shton se ky veprim, prish urat e konsesusit si edhe “prish” rregullat e lojës.

Reagimi i plotë i Oerd Bylykbashit:

Me paraqitjen e draftit të njëanshëm  të amendamenteve të Kodit Zgjedhor, PS në mënyrë të përsëritur po minon reformën zgjedhore. Ky akt tregon qartë se i vetmi qëllim i PS është të sabotojë reformën zgjedhore.

Parlamenti mund të votoje vetëm amendamente që miratohen  nga Komisioni i Reformës Zgjedhore. Veprimi i sotëm i Partisë Socialiste ka si qëllim vetëm prishjen e urave të konsensusit për rregulla loje që pamundësojnë ripërtëritjen e shkeljeve dhe manipulimeve të zgjedhjeve që konstatoi  raporti i OSBE-ODIHR në vitin 2017. 
Reforma zgjedhore ka konstatuar se problemet kryesore të zgjedhjeve janë pasojë dhe përgjegjësi e qeverisë.
Asnjë përpjekje nuk është bërë nga qeveria për të zgjidhur problemin e 1.4 milion letërnjoftimeve që u skadon vlefshmëria deri në ‎datën e zgjedhjeve 30 qershor 2019, që përbën shumicën dërrmuese të zgjedhësve aktivë.Asnjë përpjekje reale nuk është bërë nga qeveria për të vënë në jetë projektin pilot të votimit elektronik, si një mjet kundër mashtrimeve zgjedhore.
Asnjë përpjekje nuk ka në plan qeveria kundër presionit mbi administratën dhe abuzimit me burimet shtetërore siç rekomandon ODIHR.
Asnjë përpjekje nuk është bërë për sistemin e plotë dhe të saktë të adresave, mungesa e të cilit vazhdon të lejojë manipulimin e listave të zgjedhësve duke importuar zgjedhësit nga një qytet në tjetrin.
Asnjë masë nuk është marrë që policia e shtetit të garantojë që kriminelët të mos prishin procesin, në të njëjtën kohë të mos bëhet vetë ajo palë e manipulimit dhe presionit.
Ndërsa për problemin numër Një, atë të shitblerjes së votës, Edi Rama dhe drejtësia e kapur prej tij vazhdojnë të mbrojnë Vangjush Dakon, Damian Gjiknurin dhe dhjetëra funksionarë të tjerë të lartë të PS, të interceptuar edhe ligjërisht nga përgjimet e prokurorisë në pazare me kriminelët për të blerë vota dhe kërcënuar votuesit.
Nga njëra anë edhe vetë përfaqësuesit e qeverisë kanë pranuar se këto probleme thelbësore nuk zgjidhen me Kodin Zgjedhor, por janë detyrë e qeverisë dhe çështje e vullnetit politik. 
Minat që PS po i vë sot reformës zgjedhore, synojnë të fshehin mosveprimin e qëllimshëm të saj për këto probleme. 
Synimi është i qartë, pa një reformë konsensuale, qeveria fsheh përgjegjësitë e saj dhe mbron vjedhjen dhe manipulimin e zgjedhjeve.​

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Rruqja: 18/12/2018 17:25

    O BYLO KE 5 MUAJ QE MERR PARAT E POPULLIT HAROM I PAC KISHE DHE KE KOHE PER DEBATE POR DUHET PUNE JO LLOQE O BYLO .E NDJENI FRIKEN DHE I BAN7 PRIT 6 MUAJ PARA.E LATE ASTIRIN DHE PO GERRICI STUDENTAT .PO JU JENI SA BUKUR ISHIT MBLEDH MBAS SALES SI QENT MBAS BUCES .O BYLO LERENI LLOGJET PUNONI SE POPULLI JU PAGUAN

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

25 Dhjetor, 16:02