Drafti i grupit të PD-së për zgjedhjen e presidentit, Bozdo: Janë kriteret e Ramës, të vendosura në gojë të atyre që nuk përfaqësojnë PD-në

Anëtari i Komisionit të Rithemelimit, Eno Bozdo ka reaguar pas draftit të propozuar nga grupi i Partisë Demokratike, për kriteret e zgjedhjes së presidentit. Bozdo thotë se nuk mun dtë bëjë propozim asnjë deputet në emër të PD, pasi këtë tagër e ka vëtëm këshilli Kombëtar i PD-së.

‘Nuk mund të ketë propozime të asnjë deputeti të veçantë në emër të PD. Këtë tagër e ka vetëm Këshilli Kombëtar i Partisë Demokratike. Rezoluta e miratuar prej tij e përcakton qartë këtë fakt!

LEXO EDHE:
Gazetari zë ngushtë Belind Këlliçin: Pse nuk flisni më për kompaninë ‘Qefalia’? Keni marrë gjobën? (VIDEO)

Dokumenti i shpërndarë dje në "emër të grupit parlamentar të PD", nuk është gjë tjetër veçse disa kritere të Ramës, të vendosura në gojën e atyre që jo vetëm nuk përfaqësojnë PD, por që kërkojnë që kështu zgjedhjen e presidentit t'ia lënë më dorë totalisht Ramës!

Rama nga ana e tij do deklarojë që zgjedhje ishte "konsensuale" me opozitën! Një skenar i turpshëm dhe bajat. Është një skenar i tillë sepse synon një opozitë vasale, të kapur, të papërgjegjshme, në kurndërshtim me interesat e shqiptarëve! Kjo kohë ka mbaruar!

PD sot përfaqëson rezistencën politike dhe qytetare ndaj qeverisjes më të korruptuar në Evropë!  Si e tillë ajo do të mbrojë vetëm interesat e  Shqipërisë dhe shqiptarëve, dhe jo të Ramës dhe të shiturve tek ai!’- u shpreh Bozdo.

Lajmi kryesor:

Propozimi i Alibeajt për Presidentin, Rithemelimi kundër: Kandidati i Ramës do dalë nga goja e tij dhe e Bashës, tradhti ndaj demokratëve! Salianji: Nuk është qëndrim i grupit

M.Q./Shqiptarja.com

TAG:
• ervin salianji
• eno bozdo
• PD
• edi paloka
• zgjedhja e presidentit te ri
• enkelejd alibeaj
• Lufta brenda PD