POP 5

Lajmet më të lexuara të 5 minutave të fundit

Kronikë

Drafti/ Oficerët e Policisë Gjyqësore nuk mund të bëjnë Shkollën e Magjistraturës

Gjatë konsultimit me këtë ligj të ri oficerët e Prokurorisë por edhe ata të Policisë, e kundërshtojnë këtë draft ligjor, pasi nuk e ndjejnë veten si pjesë e sistemit të drejtësisë, por mbeten gjithë jetën nën shërbimin e prokurorit dhe gjyqtarit.

Drafti/ Oficerët e Policisë Gjyqësore nuk mund të bëjnë Shkollën e Magjistraturës

Foto ilustruese

Kuvendi ka dërguar në Prokurorinë e Përgjithshme projektligjin e fundit për reformën në radhët e oficerëve të policisë gjyqësore. Nisma ende e pa miratuar në Kuvend i është dërguar prokurorisë për konsultim me grupet e interesit siç janë dhe oficerët e saj, të cilët përfshihen në këtë reformë. Gjatë konsultimit me këtë ligj të ri oficerët e Prokurorisë por edhe ata të Policisë, e kundërshtojnë këtë draft ligjor, pasi nuk e ndjejnë veten si pjesë e sistemit të drejtësisë.

Kjo pasi siç thonë disa prej tyre në kushtet e anonimatit, ligji në asnjë nen s’parashikon dhe nuk i bën pjesë të Shkollës së Magjistraturës me qëllim që pas disa vite punë, ata të bëhen pjesë e gjyqësorit ose prokurorë. Një nga oficerët e prokurorisë së Tiranës tha për “Shqiptarja.com” në kushtet e anonimatit se ligji në fjalë i shuan ëndrrën çdo oficeri për të bërë Shkollën e Magjistraturës. “…Është ligj i padrejtë dhe që s’përfaqëson interesat e oficerëve të Policisë dhe Prokurorisë. Oficerin nuk e promovon por e le gjithë jetën oficer, nën shërbimin e prokurorit dhe gjyqtarit. Ndërkohë e kundërta ndodh me ndihmësat ligjorë të gjyqtarëve në Kushtetuese dhe Gjykatën e Lartë, të cilët kanë mundësi ligjore të konkurrojnë në shkollën e magjistraturës”, thotë një prej oficerëve të prokurorisë së Tiranës.

Një tjetër kundërshtim i policisë gjyqësore ka të bëjë me pagën e përcaktuar për oficerët në raport me pagën e prokurorit. Drafti parashikon se paga e oficerit të Policisë Gjyqësore, të seksioneve të prokurorive të shkallës së parë dhe të Prokurorisë së Përgjithshme është e barabartë me 70 për qind të pagës bruto fillestare të prokurorit që ushtron funksionet pranë tyre.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15