Shoqata "Pro-eksport Albania" i është drejtuar Komisionit Qendror të Zgjedhjeve me një kërkesë që në kuadër të masave për të kufizuar qeverinë para zgjedhjeve të mundësojë dhe pezullimin e të gjitha inspektimeve dhe kontrolleve për bizneset 4 muaj para zgjedhjeve dhe 4 muaj pas zgjedhjeve.

Përmes një letre që mban firmën e Edvin Prençe Kryetar i Pro-Eksport Albania, shoqata mbështet raportin e KQZ për ndalim të prezantimit të projekteve, dhurimin e çelësave të shtëpive, shpërndarjen e lejeve të legalizimeve dhe prerjen e shiritëve nga ana e qeverisë pas datës 25 dhjetor dhe deri në zgjedhje. Këto masa sipas shoqatës duhen marrë me qëllim të mondikimit paraprak.

"Të pezullohen të gjitha inspektimet/kontrollet nga Organet Inspektuese (Tatimet, Inspektoriati i punës, Doganat, Inspektoriati i mjedisit e të tjerë), për një afat kohor 4/5 muaj para zgjedhjeve dhe 4/5 mbas daljes së rezultateve të tij. E gjitha kjo në frymën e mosndikimit paraprak ose retro te tij. Kjo e mbeshtetur edhe në eksperiencat e mëparshme të ndodhura siç ishte Ligji Nr. 39/2014 Për faljen e dënimeve administrative në formën e gjobave, të vëna në bazë të kontrollove dhe verifikimeve Tatimore për periudhën 1 Mars deri më 31 Gusht 2013", thuhet në letër mes të tjerash.

Pra kjo kërkesë e shoqatës, vjen pas përgatitjes nga KQZ të një dokumenti ku parashtrohen të gjitha kufizimet për qeverinë 4 muaj para dhe pas zgjedhjeve si psh, ndalimi i dhurimit të celësave të shtëpive, dhënia e lejeve të legalizimit, prerja e shiritave, reklamimi i punimeve të objekteve në ndërtim  e sipër ose të ndërtuara etj, të gjitha këto metoda të shpeshta të përdorura nga politikanët para zgjedhjeve për të joshur elektoratin. Ky draft pritet të hidhet në votim në KQZ.

(Kliko këtu) Shoqata Pro-eksport Albania kërkesë KQZ që të pezullohen të gjitha inspektimet 4/5 muaj para dhe pas zgjedhjeve