Drashkovic: Serbia në Europë
kur të pranojë Kosovën

BEOGRAD- Lideri i Lëvizjes së Ripërtëritjes Serbe, Vuk Draskoviç, thotë se Serbia nuk do të nisë kurrë bisedimet e anëtarësimit në BE, përderisa serbët nuk e pranojnë të vërtetën se Kosova është ndarë nga Serbia pas humbjes së luftës me NATO-n dhe pas nënshkrimit të kapitullimit në Kumanovë shkruan e përditshmja serbe Novosti.

“Pavarësinë e Kosovës e njohin më shumë se gjysma e shteteve anëtare në OKB, e ne, edhe më tutje, lobojmë nëpër botë kundër pranimit të kësaj pavarësie”, ka thënë politikani serb Vuk Draskoviç, sic transmeton "RTK".

Ndërsa, zyrtari ndërlidhës i Serbisë në Kosovë, Dejan Paviçeviç ka shprehur frikën se po qe se serbët në Kosovë nuk dalin në zgjedhjet e 3 nëntorit, do të rrezikohet edhe marrëveshja për integrimin e Serbisë në BE. Ai ka shtuar se dalja një zgjedhje votuese do t’iu mundësonte një pozitë më të mirë dhe jetë më dinjitoze, e bashkësia ndërkombëtare nuk do t’i trajtonte më serbët si struktura paralele, por si përfaqësues legjitimë të popullit serb.

Në një deklaratë për medie serbe ai ka thënë se serbët nga i gjithë territori i Kosovës do të dëgjojnë këshillat e që marrin nga Beogradi.

Kryeministri serb Ivica Dacic pati thënë se në fillim të gushtit skadon afati për paraqitje të listave zgjedhore për zgjedhjet lokale në Kosovë dhe po qe se nuk ka qasje konstruktive ndaj sa, do të dështojë jo vetëm marrëveshja e Brukselit, por edhe rruga evropiane e Serbisë.

Redaksia Online
(e.s/shqiptarja.com)