TIRANE- Kuçova është një qytet i vogël, larg metropolit, jetës së zhurmshme, larg Tiranës që të ofron mundësi të larmishme zgjedhjeje e hapësira për të treguar veten, e megjithatë aty ka talente, ka njerëz që punojnë e dëshmojnë dashuri dhe përkushtim për punën, për artin, për krijimin. Sami Paja është një zotëri rreth të gjashtëdhjetave i cili na hapi dyert e ateliesë së tij të modës në qytetin e Kuçovës për të na treguar nga afër punën e tij, të cilën rrëfen se e bën me shumë përkushtim.