Drejt Punës, Andi Gjeta, gjimnazisti
që synon të bëhet një automekanik

TIRANE- Shkolla profesionale duhet parë jo vetëm si mundësi shkollimi, por dhe lidhje direkte me tregun e punës dhe biznesin. Formimi dhe përgatitja e një zanati jo vetëm që të bën më të aftë, por dhe më konkurues në jetë.

Të kesh një zanat sot, do të thotë që je konkurrues në tregun e punës. Pikërisht për të qenë prodhues dhe furnitor, çdo i ri në radhë të parë duhet të mendoj të ndjek një shkollë profesionale, pasi aftësimi përmes një zanati të caktuar të sjell edhe përfitimet e një vendi pune.

Për këtë arsye ne u gjendem në ambinetet e shkollës profesionale “Karl Gega”, aty ku profesionet të udhëheqin, duke u bërë aktiv në punë. Të rrethuar nga ambient disi i egër, për shkak të mbipopullimi të djemëve, tek tuk shikojmë edhe vajza të cilat janë gjendur mirë dhe kanë vendosur të marrin hapat bazë të një profesioni të caktuar. E teksa vozisim klasat dhe takojmë nxënës që me dëshirë sot janë konkurrent në tregun e punës, takojmë Andin, gjimnazistin maturant që rrëfen arysen se pse ka zgjedhur shkollën e mesme profesionale “Karl Gega” dhe synimet drejt një të ardhme si inxhinier mekanik.