POP 5

Lajmet më të lexuara të 5 minutave të fundit

Kronikë

Drejtori i kufirit fuste
mallra kontrabandë

Ditën e djeshme, Policia e Shtetit ka arrestuar në flagrancë Drejtorin e Drejtorisë Rajonale për Kufirin dhe Migracionin në Qarkun e Korçës
KORÇË- Ditën e djeshme, Policia e Shtetit ka arrestuar në flagrancë Drejtorin e Drejtorisë Rajonale për Kufirin dhe Migracionin në Qarkun e Korçës dhe ka shpallur në kërkim disa persona që dyshohet se ishin pjesë e një grupi kriminal që kryente kontrabandë të mallrave industrialë dhe aty me akcizë. Dje, u bë arrestimi në flagrancë i shtetasit Ylber Qemal Zyberi, 41 vjeç, lindur dhe banues në Kukës, me detyrë Drejtor i Drejtorisë Rajonale për Kufirin dhe Migracionin në Qarkun e Korçës, i dyshuar se ka konsumuar veprat penale të “Korrupsionit pasiv të personave që ushtrojnë funksione publike”, “Kontrabandës me mallra të tjera”, dhe “Shpërdorimit të detyrës” në bashkëpunim, parashikuar nga nenet 25, 259, 174 dhe 248 të Kodit Penal.

Shërbimi i Kontrollit të Brendshëm në bashkëpunim me Prokurorinë e Rrethit Gjyqësor Korçë, si rrjedhojë e aplikimit të metodave speciale të hetimit, bëri të mundur goditjen e një grupi kriminal që kanë ushtruar për disa kohë  kontrabandë të mallrave industriale dhe atyre me akcizë, jashtë pikës doganore, në kufirin jeshil, në afërsi të Fshatit  Zaroshkë, Komuna Pustec (Liqenas), Korçë. Në orën 04:20, të ditës së djeshme, në fshatin Zaroshkë, u bë e mundur kapja në flagrancë e mjetit me targa bullgare “E 1233 KM”, i cili ishte i ngarkuar me mallra industriale, konfeksione, kontrabandë në sasi dhe vlerë të konsiderueshme.

Nga hetimet paraprake rezulton se Drejtori i Drejtorisë Rajonale për Kufirin dhe Migracionin në Qarkun e Korçës, Ylber Zyberi ka favorizuar në vazhdimësi kalimin e mallrave kontrabandë jashtë pikës doganore, duke shmangur shërbimet e policisë kufitare në vendkalimet e mjeteve të ngarkuara me mallra kontrabandë. Zyberi dyshohet se shpesh herë ka bërë edhe shoqërimin e mjeteve të ngarkuara me mallra kontrabandë me qëllim moskapjen e tyre nga strukturat e policisë. Nga burimet e policisë mësohet se ndër mallrat kontrabandë që drejtori lejonte, ishin qymyri i drurit, floriri, veshmbathjet, lëndët ushqimore, pije të ndryshme, etj.

SHKB në bashkëpunim me Njësinë Task-Forcë pranë Prokurorisë së Korçës, po vazhdojnë hetimet për zbardhjen e plotë të kësaj veprimtarie kriminale, të shtrirë në kohë edhe me shumë persona të tjerë të dyshuar, si dhe me implikime te strukturave të policisë kufitare në Qarkun e Korçës, pasi mendohet se Zyberi ishte një ndër hallkat e këtij zinxhiri policësh që mbyllnin sytë para abuzimit me paratë e shtetit.
 
Shkrimi u publikua sot (04.12.2013) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13