Drejtoria e arkivave/ Vula e fermanit 400-vjeçar daton e humbur më 7 maj

Në materialin e referuar në Prokurorinë e Tiranës thuhet se në datë 10 maj 2019, pas një njoftimi nga drejtori i Përgjithshëm i Arkivave, për humbjen e vulës së fermanit të Manastirit të Kamenës, oficerët e Policisë kanë shkuar në vendin e ngjarjes. Ky ferman daton rreth viteve 1600. Oficerët që kanë shkuar pranë Drejtorisë së Përgjithshme të Arkivave kanë konstatuar se: Në ambientet e Drejtorisë së Përgjithshme të Arkivave, konkretisht në Godinën B, ku bëhej edhe skanimi i materialeve të formateve të mëdha, ishte konstatuar mungesa e një vule, e cila ishte pjesë përbërëse e një fermani të Manastirit të Kamenës. Vula kishte qenë e lidhur nëpërmjet disa penjve me këtë ferman dhe për herë të fundit është parë që ka qenë në vendin e saj në datën 7 maj 2019, nga të gjithë punonjësit e Sektorit të Evidencës në Drejtorinë e Përgjithshme të Arkivave.

Ka ndodhur shpesh, që elemente apo pulla, që janë pjesë e dokumenteve në Arkivën e Shtetit të humbasin, e disa janë gjetur me vonë. Rasti më i fundit është vjedhja e një singjili (monedhë) që i përket shekullit të 17 të dosjes nr. 2 që sipas drejtuesit të këtij institucioni Ardit Bido, rasti i është referuar policisë. Dokumenti është me rëndësi historike kombëtare, sipas drejtorit Bido, por  nuk është pjesë e koleksioneve të rralla të arkivit.

Sipas tij ai është një singjil i një dokumenti, sepse vula nuk është unikale. Policia ka bërë hetimet, ndërkohë sipas drejtuesit të arkivës  “Bëhet fjalë për stampën e vulës. Singhelium është monedha metalike që lidh çdo dokument. Nuk është unikale, por çdo dokument ka qenë lidhur. I përkiste vitit 1700. Përgjegjësia e materialit ka një procedurë e caktuar, nuk ka akses çdokush, dhe i përket dosjes nr2. Në rastin konkret është pjesë e një hetimi, ne bëjmë hetimin administrativ. Medaljoni unikal i dosjes 7 ekziston, nuk ka humbur". (Fermanet jane dekretr të kohës së Turqisë-red) Rreth këtij problemi ka reaguar edhee drejtoresha e arkivave Nevila Nika e cila shprehet se “Vula është pjesë e një fermani të veçantë, të Sulltanit në gjuhën greke. Fermani i jep të drejtën e pronave Manastirit të Kamenës. Ndryshe nga vulat e tjera që kanë qenë prej dylli, kjo vulë është në material metalik, prej plumbi”, u shpreh Nika. Sipas Nevila Nikës ky ferman, bashkë me vulën e tij, kanë qenë të ekspozuara me rastin e 50-vjetorit të Arkivës së Shtetit në Muzeun Kombëtar dhe ka qenë i përfshirë dhe në katalogun e Mesjetës dhe Rilindjes së Arkivës së Shtetit.

TAG:
• arkiva e shtetit
• vula e fermanit
• drejtoria e arkivave