Drejtoria e Kufirit Korçë: Në Kapshticë nuk do lejohen të kalojnë as kamionët

Drejtoria e kufirit në Korçë ka njoftuar se nga pika kufitare e Kapshticës nuk do të lejohet as kalimi i kamionëve.

Autoritetet greke kanë njoftuar se pika kufitare e kalimit do të qëndrojë e mbyllur të paktën deri më datë 4 dhjetor.

Aty nuk do të lejohet kalimi i asnjë lloj automjeti për asnjë arsye. Përgjatë aksit rrugor Korçë-Kapshticë do të ketë prezencë të shtuar të policisë për të vëzhguar situatën.

Policia Kufitare u bën thirrje qytetarëve që të evitojnë udhëtimet drejt kësaj pike kalimi.

Mëngjesin e sotëm u krijuan radhë të gjata kamionësh në këtë pikë kufitare. Drejtuesit e mjeteve deklaruan se nuk ishin njoftuar më parë për mbylljen e kufirit për kamionët e mallrave pasi më parë ata janë lejuar.

Lajmi kryesor:

Mbyllet Kapshtica deri më 4 dhjetor, radhë të gjata në pikën kufitare gjatë mëngjesit! Drejtoria e Kufirit Korçë: Nuk do lejohen të kalojnë as kamionët (VIDEO)

E.M./Shqiptarja.com

TAG:
• greqia
• kamioni
• kapshtice