Drejtuan makinën në gjendje të dehur, arrestohen 14 shoferë në Tiranë! Gjobiten mbi 10 mijë drejtues mjetesh

14 shoferë janë arrestuar javën që lamë pas për shkelje të rregullave të qarkullimit rrugor. Po ashtu mbi 10 mijë drejtues janë gjobitur nga policia rrugore e Tiranës.

Sipas policisë vijojnë kontrollet e shtuara në të gjitha akset rrugore. Këto kontrolle synojnë evidentimin dhe ndëshkimin e shkelësve të rregullave të qarkullimit që janë rrezik potencial për përfshirje në ngjarje rrugore, dhe për rritjen e parametrave të sigurisë rrugore në Tiranë.

Gjatë javës që lamë pas:

Janë arrestuar 14 shtetas për:
- Drejtim automjeti në gjendje të dehur apo në efektin e lëndëve narkotike;
- Shkelje të rregullave të ndryshme të qarkullimit rrugor.

Janë vënë 10,394 masa administrative, disa prej të cilave janë:
 - 859 për shpejtësi mbi normat e lejuara.
- 100 për përdorim të celularit gjatë drejtimit të mjetit.
- 33 për përdorim të xhamave të errësuar.
- 70 për mosdhënie përparësi këmbësorëve në vijat e bardha.
- 96 për mosvënie të rripit të sigurimit nga drejtuesit e automjeteve.
- 26 për mosvendosje të kaskës mbrojtëse nga drejtuesit e motomjeteve.
- 211 për parakalime të gabuara.
- 8,640 për parkime të gabuara.

 Janë bllokuar 19 automjete për:

- Detyrime të pashlyera;
- Mungesë dokumentacioni
- Verifikime nga Seksioni i Trafiqeve të Paligjshme në DVP Tiranë.

M.Q./KT/Shqiptarja.com

TAG:
• Tirane
• policia rrugore