POP 5

Lajmet më të lexuara të 5 minutave të fundit

Politikë

‘Dreka e gabuar’! Ftesa e Xhelal Mziu përplas sërish PD! Berisha: Fillim i ri i grupit parlamentar! Bardhi: S'ka asnjë mesazh politik, në vaki e festa s'i zgjedhim të ftuarit

Një drekë e thirrur nga Xhelal Mziu me rastin e festave të fundvitit nuk ka shërbyer për të ulur gjakrat brenda Partisë Demokratike, por sërish është bërë shkak për një përplasje brenda vetë demokratëve.

‘Dreka e gabuar’! Ftesa e Xhelal Mziu përplas sërish PD! Berisha: Fillim i ri i grupit parlamentar! Bardhi: S'ka asnjë mesazh politik, në vaki e festa s'i zgjedhim të ftuarit

Dreka e deputetëve të PD

TIRANË- Një drekë e thirrur nga Xhelal Mziu me rastin e festave të fundvitit nuk ka shërbyer për të ulur gjakrat brenda Partisë Demokratike, por sërish është bërë shkak për një përplasje brenda vetë demokratëve. “Molla e sherrit” ka qenë sërish Sali Berisha, pasi këtë drekë, ish-kryeministri e ka “shitur” si bashkim të 2 grupeve të Partisë Demokratike, madje e ka cilësuar si një “fillim të ri”.

“Drekë në Fermë e thirrur nga deputeti, Xhelal Mziu si fillim i ri për grupin parlamentar të PD-së. Gëzuar! SB”, shkruan Sali Berisha.

Si gjithnjë, përgjigja për Berishën nga kampi tjetër, ka ardhur nga deputeti Gazment Bardhi, i cili edhe kësaj here nuk ia ka lënë “mangët” duke i thënë se dreka nuk kishte asnjë mesazh politik.

“Keqpërdorimi për qëllime politike i një dreke miqësore të organizuar nga kolegu Xhelal Mziu me rastin e festave të fundviti është akt dëshpërimi. Në vaki, festa, apo dasma, të ftuarit nuk zgjedhin dot njëri tjetrin. Ky nuk përbën asnjë fillim të vjetër apo të ri dhe dreka e sotme nuk kishte asnjë mesazh politik! Faleminderit kolegut Mziu për ftesën dhe Gëzuar Festat”, i është përgjigjur Bardhi.

Në këtë drekë morën pjesë deputet nga të dyja kampet e PD-së, e ndërsa mungoi Lulzim Basha dhe Enkelejd Alibeaj.

Të pranishëm nga PD-ja e Rithemeluar

  • 1. Sali Berisha
  • 2. Belind Këlliçi
  • 3. Flamur Noka
  • 4. Bujar Leskaj
  • 5. Xhelal Mziu
  • 6. Tomor Alizoti
  • 7. Elda Hoti
  • 8. Greta Bardeli
  • 9. Lindita Metaliaj
  • 10. Albana Vokshi
  • 11. Kastriot Piroli
  • 12. Kasem Mahmutaj
  • 13. Oerd Bylykbashi
  • 14. Luan Baçi
  • 15. Tritan Shehu
  • 16. Isuf Çelaj
  • 17. Ina Zhupa
  • 18. Edmond Spaho

Të pranishëm nga grupi i Alibeajt

  • 1. Ferdinand Xhaferri 
  • 2. Gazment Bardhi
  • 3. Jorida Tabaku
  • 4. Dhurata Çupi
  • 5. Andia Ulliri
  • 6. Saimir Korreshi
  • 7. Lefter Gështenja
  • 8. Helidon Bushati
  • 9. Eralda Bano
  • 10. Fatjon Veizaj
  • 11. llda Dhori
  • 12. Ervin Salianji
  • 13. Merita Bakiu
  • 14. Ramadan Likaj

Deputetët që munguan

  • 1. Lulzim Basha
  • 2. Enkelejd Alibeaj
  • 3. Kreshnik Çollaku
  • 4. Flutura Açka
  • 5. Dashnor Sula
  • 6. Zheni Gjergji
  • 7. Arbi Agalliu
  • 8. Flamur Hoxha
  • 9. Agron Gjekmarkaj
  • 10. Emilja Koliqi
  • 11. Petrit Doda
  • 12. Orjela Nebiaj
  • 13. Orjola Pampuri
  • 14. Bledjon Nallbati
  • 15. Seladin Jakupllari

Rendit zhvillimet sipas orarit:
Ora 15:29
FOTO/ Xhelal Mziu mbledh grupin e Berishës dhe të Alibeajt në një drekë, mesazhi i Tabakut: Një dolli për mendimin ndryshe

Një drekë e thirrur nga Xhelal Mziu ka mbledhur grupin e Alibeajt dhe të Berishës në një tavolinë.

Deputetja e PD Jorida Tabaku ka publikuar fotografitë duke dhënë edhe një mesazh për të gjithë.

“Një dolli për mendimin ndryshe; se të duash të ndryshosh për mirë nuk të bën as të shitur e as të blerë e as peng”, shkroi Tabaku.

M.Q./Shqiptarja.com

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Censi 2023, popullsia u tkurr me 419 mijë në 12 vite, cili është shkaku?

Lajme të tjera



×

Lajmi i fundit

Luna feston 2 mujorin e lindjes, Kiara publikon foton e ëmbël

Luna feston 2 mujorin e lindjes, Kiara publikon foton e ëmbël

30 Qershor, 17:19