POP 5

Lajmet më të lexuara të 5 minutave të fundit

Kultura

Dritëro Agolli nderohet me
Çmimin “Teuta” në Mal të Zi

Shkrimtari i njohur Dritëro Agolli do ta marrë këtë çmim nga shkrimtari i mirënjohur malazez, akademiku Jevrem Bërkoviç, fitues i çmimit “Teuta” vitin e kaluar
Në Rugovë të Kosovës dhe në Kotorr të Malit të Zi, Shoqata Rajonale e Shkrimtarëve “Teuta”, e themeluar nga shkrimtarë nga Kosova, Shqipëria dhe Mali i Zi, më 27 dhe 28 gusht do të organizojë manifestimin letrar “Muzat e Alpeve 2014”. Gjatë këtyre ditëve do të organizohet një tryezë e rrumbullaket me temën: “Bashkëpunimi ndërkufitar Kosovë-Shqipëri-Mal i Zi dhe integrimet evropiane në fushën e letërsisë”,  si dhe do të promovohet  libri i autorit të mirënjohur boshnjak Safet Hadrovic “Zrtve-Viktimat”. Ky aktivitet i cili do të shoqërohet me një mbrëmje poetike, do të vijojë në Kotorr të Malit të Zi, me promovimin e librit të Ibrahim Kadriut “Populli është fajtor -Narod je kriv”, i përkthyer në gjuhën malazeze.

Në Risan, qyteti i lashtë i mbretëreshës ilire Teuta,  shoqata do të ndajë çmimin “Teuta”,  kushtuar  veprës jetësore të shkrimtarit te mirënjohur shqiptar Dritëro Agolli, me motivacion: “Njëri ndër shkrimtarët më të mëdhenj i cili u bë sinonim i vlerave të qëndrueshme të fushave krijuese dhe emblemë e kohës dhe si personaliteti i sotëm më popullor në kumtin e letrave shqipe”.

Shkrimtari i njohur Dritëro Agolli do ta marrë këtë çmim nga shkrimtari i mirënjohur malazez, akademiku Jevrem Bërkoviç, fitues i çmimit “Teuta” vitin e kaluar. Shkrimtari i njohur malazias, njihet si kundërshtari i regjimit të Milosheviqit. Gjithashtu Berkoviq, është bërë i njohur për qëndrimin e tij të drejtë ndaj çështjes shqiptare dhe çështjes së Kosovës veçanërisht. Ai është ndër krijuesit e vetëm malazezë e serbë që ka bërë homazhe dhe është përkulur para  varrit të legjendarit, Adem Jashari.

Mbajtja e manifestimit “Muzat e Alpeve 2014”, mundësohet nga Ministria e Kulturës, Rinisë dhe Sportit e Kosovës, Ministria për Integrimin Evropian e Kosovës, Komuna e Pejës si dhe nga Komuna e Kotorrit. Ky manifestim i krijuesve  nga të tria shtetet ka për  synimin forcimin e urave ndërmjet shteteve dhe përafrimin e popujve të tri kufijve si dje në lufte dhe sot në paqe, duke përqafuar vlerat evropiane. Ideja për krijimin e këtij takimi letrar ka qenë e prozatores, poetes dhe gazetares Ajete Beqiraj dhe Natasha Lakos, poetes dhe skenaristes së mirënjohur nga Shqipëria.

Shkrimtari i mirënjohur malazez, Mirash Martinoviq, autori i “Teutës ilire”, është shprehur se e ka përqafuar pa mëdyshje themelimin e kësaj Shoqate Rajonale të shkrimtarëve nga Kosovë, Shqipëria, Mal i Zi, që emërtohet "Teuta", e cila sipas tij ka për qëllim integrimet evropiane në fushën e letërsisë. Në vitin 2015, “Muzat e Alpeve” do të organizohet në Shqipëri, ku pritet që  Çmimi “Teuta”, për veprën jetësore ta marrë  një shkrimtar nga Republika e Kosovës.

Shkrimi u publikua në "Shqiptarja.com" (Print) më 19.08.2014
 
Redaksia Online
(e.s/shqiptarja.com)

/Shqiptarja.com
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57