POP 5

Lajmet më të lexuara të 5 minutave të fundit

Arkiva

Dritan Dajti: Policia zhduku
tabulatet e telefonit tim

Pak muaj më parë, një prej kabllogrameve të Ambasadës Amerikane, publikuar nga siti WikiLeaks, shkruante se zëvendës drejtori i përgjithshëm i policisë së shtetit, Agron Kuliqi, një prej njerëzve më të fuqishëm të policisë shqiptare, ka patur kontakte me Dritan Dajtin dhe e ka informuar atë për operacionet që përgatiteshin për arrestimin e tij. (Nga MENTOR KIKIA)
Dritan Dajti: Policia zhduku <br />tabulatet e telefonit tim
Dritan Dajti, njeriu më i akuzuar aktualisht nga drejtësia shqiptare, ka dëshmuar për herë të parë në procesin gjyqësor që është hapur kundër tij, i akuzuar për vrasjen e katër policëve dhe një civili, në Gusht të vitit 2009, në Durrës. Ndërsa është përpjekur të hedhë poshtë akuzën, duke mos e pranuar vrasjen, Dajti ka akuzuar policinë dhe prokurorinë për zhdukjen e tabulateve të telefonit të tij, - shkruan sot gazetari Mentor Kikia në Gazetën Idea.
Dajti iu referua dëshmisë së bërë, me dyer të mbyllura nga ish shefi i Drejtorisë Kundër Krimit të Organizuar A.Muça, sipas të cilit, Dritan Dajti kishte qenë vënë nën përgjim nga policia para se të arrestohej. Por pas datës 7 Gusht, dita e krimit dhe arrestimit të Dajtit, tabulatet e telefonit të tij nën përgjim janë zhdukur. Madje ai ka referuar edhe deklarime të prokurorit, sipas të cilit operacioni i policisë ka qenë i paorganizuar mirë dhe madje i paligjshëm.
Megjithatë, misteri më i madh i deponimit të tij është zhdukja e tabulateve të telefonit, në të cilat janë fiksuar të gjithë numrat me të cilët Dritan Dajti komunikonte, ndërsa ishte në liri.
Pak muaj më parë, një prej kabllogrameve të Ambasdës Amerikane, publikuar nga siti WikiLeaks, shkruante se zëvendës drejtori i përgjithshëm i policisë së shtetit, Agron Kuliqi, një prej njerëzve më të fuqishëm të policisë shqiptare, ka patur kontakte me Dritan Dajtin dhe e ka informuar atë për operacionet që përgatiteshin për arrestimin e tij. Pohimet e kabllogrameve u hodhën poshtë nga policia dhe vetë Kuliqi, por e verteta është se Dritan Dajti u ka shpëtuar për mrekulli disa operacioneve për arrestimin e tij, dhe se, sic pohonte edhe kabllogrami i Ambasadës Amerikane, operacioni i 7 Gushtit u zhvillua ndërsa Kuliqi nuk ndodhej në Shqipëri.

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Berisha zbarkon te ‘Sheshi Uillson’, bën ‘qepalla’ dhe përqafime me Gazment Bardhin e Tedi Blushin

Berisha zbarkon te ‘Sheshi Uillson’, bën ‘qepalla’ dhe përqafime me Gazment Bardhin e Tedi Blushin

23 Dhjetor, 19:36