Në një kohë kur e vërteta kërcënohet nga dezinformimi i atyre që ende i bëjnë apologji totalitarizmit, “të ndihmuar” nga indiferentët mbërthyer tek ngjarja e ditës, AIDSSH vjen me dy botime, akademike dhe didaktike, për një nga ngjarjet më emblematike të diktaturës siç është revolta e të burgosurve politikë në kampin-burg të Spaçit, 21-23 maj 1973, historia e punës së detyruar dhe ajo e 2000 njerëzve që u lënduan përjetësisht në të.
Botimi akademik. “50 vjet nga revolta në burgun e Spaçit - Dëshmojnë të mbijetuarit dhe familjarët e tyre” dhe ai për fëmijë, “Dielli lind në Spaç”, janë botime që mbartin rëndësinë e njohjes të së kaluarës, ku nëpërmjet dokumenteve dhe dëshmive ekspozohen motivet e fshehura të pushtetit nën maskën e luftës ndaj “armikut të popullit” dhe vizatohen tiparet dehumanizuese të diktaturës, si : dënimi i padrejtë, puna skllavëruese, vdekjet nën shembjet e galerive, nga kequshqyerja, pushkatimet dhe deri tek zhdukja e trupave të kundërshtarëve politikë.
Në të dy botimet rëndësi ka marrë rezistenca e të burgosurve politikë ndaj regjimit, një ngjarje e rrallë për kohën dhe forcën e pushtetit. Puna e thelluar nxjerr Spaçin në dritë nëpërmjet qasjes në burimet parësore arkivore duke i dhënë një përgjigje dezinformimit mbi të kaluarën nëpërmjet fakteve, analizës ligjore dhe kujtimeve të të mbijetuarve dhe familjarëve të tyre.
Për herë parë, AIDSSH në kuadër të marrëveshjes me Ministrinë e Arsimit për përfshirjen në kurrikulat mësimore të ngjarjeve të së kaluarës, sjell botime për nxënësit e sistemit parauniversitar me “Spaç, historia e një revolte” (2023) ndërsa për grup moshat e ciklit të arsimit 9 vjeçar vjen libri “Dielli lind në Spaç”, ku përveç historisë, jepet koncepti mbi diktaturën, si u pasqyrua ajo në sytë e fëmijëve, pasuruar me informacionin didaktik mbi të drejtat e njeriut dhe grafikat ilustruese.
Edhe pse kanë kaluar 30 vjet, ende ka mungesë llogaridhënieje për krimet e kryera në atë kamp dhe në sistemin e punës së detyruar në përgjithësi. Zbardhja e historisë u jep mundësi të mbijetuarve që të tregojnë dhe të riafirmojnë identitetin e tyre si viktima të regjimit, si një mënyrë për të rimarrë kontrollin mbi narrativën dhe të ndihmojn1ë në shërimin e plagëve psikologjike.
Faktet e mbledhura në botimin kryesor mbështetësin procesin e identifikimit dhe rigjetjes së mbetjeve të viktimave që u zhdukën ose u ekzekutuan gjatë komunizmit.
Kjo zbardhje e historisë së Spaçit tregon se ende kemi shumë për të mësuar nga e kaluara, për të ndërtuar një të ardhme të drejtë dhe demokratike, duke u ballafaquar plotësisht me të vërtetën e asaj kohe.
Përmes këtyre botime Autoriteti synon përmbushjen e objektivave të Planit Strategjik 2023-2028, ku cilësohet prezantimi i Autoritetit si një platformë për angazhimin publik dhe kuptimin e së kaluarës komuniste në Shqipëri./Marrë nga faqja e AIDSSH në facebook
Lajme të tjera
-
Çelet fondi arkivor i degës së Sigurimit të Naftës, kryetarja e Autoritetit: Kalvari i vuajtjeve të tyre meriton përmendore
3 Korrik, 21:04 -
51 vjetori i revoltës së Spaçit, Basha: Drodhi themelet e regjimit! Ishin të vetmit njerëz të lirë në një Shqipëri të robëruar
21 Maj, 11:31 -
Ish-kamp burgu i Spaçit, debati në prezantimin e Planit të Menaxhimit: Pse Muzeu në autostradë?! Hartuesit: Kështu ndodh edhe jashtë shtetit!
2 Maj, 16:49
-
'Projektova burgun e Spaçit', arkitekti i revoltuar në prezantim të planit te Menaxhimit: Shfrytëzoni Arkivat
2 Maj, 12:42 -
Arkiva e AIDSSH në 105 vjetorin e lindjes: Dënimi dhe survejimi i gjeneralit Rrahman Parllaku
19 Prill, 15:24
-
Art me historitë e ish të burgosurve në Spaç, hapet ekspozita me skulptura dhe kukulla artizane!
14 Prill, 18:01
-
Edison Ypi: Hasie dhe Spaç
22 Mars, 15:21
-
Dosja K/ ‘Vetëvrasja si shpëtim nga torturat e tmerrshme të hetuesisë’, dorëshkrimet e Ernesto Krajës! U burgos nga regjimi
9 Janar, 21:56
-
Ngjarje dhe personazhe të panjohur të burgut të Spaçit: Ahmet Hoxha, pasi kishte vuajtur 20 vite, duke u arratisur dy herë, të tretën bashkë me Sali Çakon arriti deri në kufi, por…
8 Dhjetor 2023, 07:36
-
'Tirana në sytë e Sigurimit të Shtetit'/ Prezantohet “DOSJA E HAPUR” e Xhahit Toptanit dhe Abdyl Këllezit
16 Nëntor 2023, 17:24 -
Plan Menaxhimi për ish-kamp-burgun e Spaçit, nis në 2024-ën. Ndreca: Aty vuajti elita, të punohet me ritme më të shpejta
13 Nëntor 2023, 22:31 -
Historia e errët, të rinjtë Europianë në ish-burgun e Spaçit! Massafra: Domosdoshmëri ngritja e muzeut të kujtesës
1 Shtator 2023, 15:42
