11 ditë pas vrasjes së Ilirian Sulkut në Riderkerk të Holandës, media holandeze do të raportonte identitetin e tij dhe shkruan se vrasja e Sulkut lidhet dhe me ngjarjen e ndodhur më 21 janar të 2015 në Rotterdam ku gjetën vdekjen dy vëllezërit shqiptar Glevis e Florenc Tola.

A1Report sjell raportimin e medias Holandeze ku referuar këti shkrimi që mban datën 17 Prill shkruhet se Sulku ishte një i njohur i dy vëllezërve të vrarë në Janar në banesën e tyre në rrugën Old Jesselmond në Roterdam.

Për vrasjen e dy vëllezërve Tola ende nuk ka një autor të ngjarjes ndërsa policia ndaloi në atë periudhë shqiptarin Serxho Piko i cili arriti ti shpëtonte atentatit në Roterdam dhe u kap në Slloveni teksa ai tentonte të vinte drejt shqipërisë.

Dhe pse i konsideruar si dëshmitari kyc i ngjarjes ku mbetën të vdekur dy vëllezërit Tola, burimë për A1Report bëjnë me dije se Piku është liruar nga policia Holandeze dhe disa kohë më parë ka ardhur në Shqipëri.

Në harkun kohor të 3 muajve nga 21 janari në 6 prill 2015 përplasja mes grupeve Rivale ka shkaktuar tre shqiptarë të vdekur në Holandë dhe në rajonin e Roterdamit, ndërsa ende mbetet mister pse nisi ky konflikt dhe pse jozyrtarisht pranohet se shkak ka qenë influence për kotnrollin e tregut të narkotikëve.

Redaksia Online
(al.h/shqiptarja.com)