Në datën 7 gusht Dua Lipa do të jetë në Kosovë, pasi do të mbajë një koncert bamirësie Parkun e Gërmisë në Komunën e Prishtinës.

Të gjitha të ardhurat nga koncerti i yllit të muzikës Lipa do të shkojnë për fondacionin Sunny Hill.

Nga organizatorët e këtij koncerti është bërë e ditur, se biletat dalin në shitje në datën 25 korrik dhe se një biletë kushton nga 10 euro deri në 15 euro.

Ky është koncerti i parë që Lipa do të mbaj në Kosovë. Ndërkohë që ylli i muzikës është duke shijuar suksesin e hitit të saj të fundit “Hotter then Hell”.

Redaksia Online 
(xh.m/shqiptarja.com)