Përplasje të zjarrta në fazën çerekfinale të Champions League. Shorti i hedhur mesditën e së premtes në Nyon të Zvicrës ka vënë përballë Barcelonën me Manchester United në atë që është mund të konsiderohet edhe si dueli më i fortë.
Me 4 angleze në çerekfinale derbi nuk mund të shmangej dhe ashtu ndodhi. Manchester City do të përballet me Tottenham për të siguruar një biletë për në fazën gjysmëfinale të kompeticionit europian më të rëndësishëm për klube.
Më me fat kanë qënë dy pretendentet e tjera Juventus dhe Liverpool. Bardhezinjtë do ndeshen në çerekfinale me holandezët e Ajax që eliminuan Realin ndërsa Liverpool do ketë përballë luzitanët e Portos.
Në shortin e sotëm janë përcaktuar po ashtu edhe përplasjet e mundshme në gjysmëfinalet e Champions. Kështu fituesja e Tottenham-City do ndeshet në fazën tjetër me fituesen e çiftit Ajax JUventus dhe fituesja e çiftit Barcelona-United me fituesen e Liverpool-Porto. Ndeshjet e para çerekfinale do luhen më 9-10 prill ndërsa finalja e madhe më 1 qershor në Madrid./ Nga Andi Kapxhiu/
Ajaksi mposht juven Barcelona eliminon Mancesterin Siti mund Totenhemin Liverpuli mposht Porton
Përgjigju