POP 5

Lajmet më të lexuara të 5 minutave të fundit

Sport

Duka-Rama nuk prodhon rezultat, Liga Profesioniste: Bojkoti vazhdon, afat qeverisë deri të enjten për përgjigjje

Pavarësisht optimizmit të krijuar të premten pas takimit Rama-Duka nuk ka ende një vendim për rifillimin e futbollit.

Takimi i ditës së premtes mes kryeministrit Rama dhe Presidentit të FSHF-së Armando Duka kishte sjellë optimizëm për rifillimin e futbollit, që është në bojkot që prej 5 gushtit, por mbledhja e ditës së hënë e Ligës Profesioniste ka prodhuar një vendim ndryshe. Sipas presidentit të Ligës Edvin Libohova bojkoti do të vazhdojë të paktën deri ditën e enjte.

“Presidentët e Ligës ri diskutuan edhe njëherë për situatën. Jemi në një situatë ku ne prisnim ditën e premte një përgjigje nga Ministria e Financave, që akoma nuk e kemi zyrtarisht. Duke parë sinjalet pozitive nga takimi i presidentit Duka me kryeministrin Rama, presidentët vendosën që ne do të presim deri ditën e enjte, nëse do të kemi një përgjigje nga qeveria. Më pas do mblidhemi për të vendosur për vazhdimin ose jo të bojkotit,"-deklaroi ai.

I pyetur përse presin një përgjigjje ditën e enjte, presidenti i Ligës Edvin Libohova është shprehur:

“Po i lëmë një afat tjetër, për të pasur një përgjigje dhe më pas do mblidhemi për të marrë vendimin përfundimtar,”-u shpreh ai.

Ndër të tjera Libohova u shpreh se në rast se ka një përgjigjje pozitive nga qeveria për Ligjin e Sponsorizimit, çështja e vetme ende e pazgjidhur, atëherë Liga do të mblidhet në kohë rekord për të vendosur për rifillimin e kampionatit. Përveç Ligjit të Sponsorizimit Liga ka kërkuar nga qeveria taksa 6% për shërbimet në sport, faljen e taksave për 10 vite si dhe zerimin e gjobave dhe të kamatë-vonesave për të gjitha detyrimet fiskale të prapambetura

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça