Fermerët ankohen se kanë dërguar ankesa në qeveri por askush nuk i ndihmon duke u justifikuar se ata kanë një kontratë me firmën dhe jo me qeverinë.

Njëri prej tyre shprehet se qeveria duhet të ndërhyjë për faktin se firma nuk është fantazmë dhe se ushtron aktivitet me lejen e saj. Se duhani nuk ka kaluar kontrabandë por në doganat e shtetit dhe dihet se sa ka kaluar. Nëse duhani nuk ka kaluar atëherë le të kthehet prap.

“Kemi prodhuar duhanin e vitit 2016, nuk kemi marrë lekët akoma. U bën dy vjet pa marrë nga firma e duhanit “Mika Korça”Kam shitë duhan tek kjo kompani edhe kam për të marrë5 .5 milionë lekë. Unë si person i ka dërguar një letër ministrisë së Financava dhe më ka kthyr një përgjigje që thuhet ne nuk  mbajmë asnjë përgjegjësi për këtë, por mban firma.  Ne e kemi një kontratë me firmën  dhe duhet t’i drejtohemi asja për lekët.I Kërkojmë qeverisë në këtë drejtim  se firma “Mika Korça” nuk ka hyrë në ajër ka hyrë me  lejen e shtetit dhe me dijeninë e tij. Duhani nuk ka kaluar kontrabandë, por ka kaluar në kufijë dhe është i kontrolluar”-shprehen fermerët.

Një tjetër fermer ankohet se me lekët e duhanit mban familjen. Se ai dhe gjithë të tjerët paguajnë taksa.  Se me kulturën e duhanit mbijetojnë. Shteti aksioner me firmën dhe se ata janë zhytur në borxhe.

Dikush apelon edhe për të tjerët që të vijnë të dalin në shesh e të mos kenë frikë shtetin.

Sipas tij populli ka frikë pasi ky shtet hakmerret, i heq nga puna, i pret dritat etj.  Fermeri shkon akoma më tej duke i bërë apel Edi Ramës që të ndërhyjë që ta lënë drogën pasi parlamenti është bërë i gjithë drogë

Kryetari i shoqatës së fermerëve të kultivuesve të duhanit Petrit Paja deklaron se janë 1470 fermerë që nuk kanë marrë lekë duhani. Ai thekson se i janë drejtuar me kërkesa Ministrisë Ekonomisë dhe Bujqësisë. Se i kanë bërë thirrje ministrit Peleshi i cili nguron ti takojë. Më tej ai nënvizon se Mika Korça është aksionere me shtetin.

“Kam kërkesat që i kemi drejtuar ministrisë së Ekonomisë, Bujqësisë,  nuk na kanë kthy përgjigje për takim.  Thirrje zotit Peleshi, pse nuk takoni fermerët e Dumresë? Jan të katandisur, pse nguroni. Ministria e Ekonomisë ka përgjegjësinë  e vet ligjore, se Mika Korca është  një kompania aksionere me shtetin shqiptar, prandaj në fund kërkojmë që të merren masa në lidhje me këtë problematikë”-thotë Petrit Paja, kryetar i Shoqatës së Fermerëve .

Në fund kryetari i shoqatës së fermereve kërcënon se protesta do të përshkallëzohet para ministrive dhe kryeministrisë. Ai ka kërkuar edhe zbatimin e ligjit të ri për duhanin pasi ligji i vjetër i diskriminon. Njëkohësisht ai ka akuza konkrete për segmente të caktuara të administratës në Ministrinë e Bujqësisë që bëhet pengesë për shqetësimin që ata ngrenë.

Redaksia Online
N.M/Shqiptarja.com