DURRES - Një 32-vjeçar ka gjetur vdekjen mbrëmjen e sotme dhe një tjetër është plagosur, pasi për shkak të kohës së keqe në autostradën Tiranë –Durrës, kanë humbur kontrollin e mjetit me të cilin udhëtonin.

Automjeti Benz me targa SG2 3434 A, që drejtohej nga Stiliano Mullaj, 32 vjeë dhe në të cilin ndodhej si pasagjer K. Nanuzi, 36 vjeç -  të dy nga Durrësi - është përlasur me një kamion me targa TR 4057G drejtuar nga H. Lugu, 60 vjeç, banues në Tiranë.

Si pasojë e përplasjes, Benzi ka përfunduar tek një pikë karburanti ku ka mbetur i vdekur drejtuesi i Benzit ,Stiliano Mullaj, ndërsa i plagosur, pasagjeri, që është dërguar në spitalin e Durresit ku ndodhet nën kujdesin e mjekëve.

Shoferi i kamionit nuk ka pësuar dëmtime. Policia ka mbërritur në vëndngjarje dhe ka nisur hetimet.
aksident durres
(Pamje nga aksidenti në autostradë)

Redaksia online
(ar.sh/shqiptarja.com)