Pasditen e sotme rreth orës 17:15 në bregdetin e Durrësit është gjetur e mbytur një 40-vjeçare identiteti i së cilës nuk dihet ende. Policia ka mbërritur menjëherë në vendngjarje dhe ka konstatuar se në trupin e të mbyturës nuk ka shenja dhune. Ngjarja ka ndodhur në lagjen nr. 13 Durrës, në drejtim me Pistën e Vogël. 

Gruaja është rreth 160 centimetër e gjata dhe ka flokë të gjata të zeza. Ajo ka veshur xhinse blu të errët dhe një bluzë me mëngë të shkurtra. Ndërkohë që në dorën e majtë ka një orë me zinxhir metalik dhe në gishtin e parafundit ka një unazë me gur rozë.

Grupi hetimor vijon hetimet për identifikimin e viktimës dhe zbardhjen e plotë të ngjarjes dhe bën thirrje se personat të cilët munden ta identifikojnë viktimën janë të lutur të telefonojnë në numrin pa pagesë 129.


Redaksia Online
Al.N.Shqiptarja.com