DURRËS-Dodë Rica pronari i rrjetit të lokaleve të striptizës “Club Shqiponja” u arrestua nga policia në Durrës, pasi siç thuhet zyrtarisht, drejtësia në Kosovë e akuzon për trafikim të personave. Rica, 47-vjeçar i lindur në Mirditë dhe me banim në Tiranë, u vu në pranga nga policia shqiptare, pasi Gjykata e Prishtinës i ka caktuar masë “arrest me burg” në mungesë.
Nga informacionet e siguruara nga inteligjenca policore të shkëmbyera mes Interpol Tiranës dhe agjencive në Kosovë, forcat e posaçme operacionale të Durrësit e lokalizuan të shpallurin në kërkim ndërkombëtar, në lagjen numër 13 të qytetit bregdetar.
"Në kuadër të megaoperacionit “Sundimi i ligjit”, si dhe si rezultat i informacioneve të siguruara nga inteligjenca policore dhe të shkëmbyera ndërmjet Interpol Tiranës dhe agjencive ligjzbatuese në Kosovë, Forca e Posaçme Operacionale dhe Seksioni kundër Trafiqeve, Durrës, kapën në lagjen nr.13 dhe vunë në pranga, me qëllim ekstradimin në Kosovë, shtetasin e shpallur në kërkim ndërkombëtar Dodë Ric, 47 vjeç, i lindur në Mirditë", njoftoi Policia e Durrësit më 22 gusht.
Pronar i lokaleve të natës Club Shqiponja” në Tiranë dhe disa qytete të Shqipërisë prej vitit 2013, i cili ka hapur biznes edhe në Prishtinë në vitin 2022 me emrin tregtar “Cyborg Strip Club”, pritet të ekstradohet drejt Kosovës. Pas arrestimit, pritet të mbahet seancë në Gjykatën e Durrësit, qytet ku Dodë Rica u vu në pranga, për të marrë vendim nëse do t’i dorëzohet drejtësisë në Kosovë.
Mediat në Kosovë ende nuk kanë dhënë shumë detaje mbi hetimet e nisura ndaj Dodë Ricës për trafikim të qenieve njerëzore, i cili sipas kërkimeve në disa shkrime të mediave online atje, është hetuar edhe më parë për evazion fiskal në lidhje me biznesin në Prishtinë.
Nga 2 nëntor 2017 deri më 21 mars 2019, përmes biznesit “Shqiponja Strip Club”, Dodë Rica u hetua pasi dyshohej se ka kryer shmangie tatimore në shumën prej 36 mijë e 389 euro. Dodë Rica ka hapur pika të 'Stript Club Shqiponja' edhe në Kosovë e Shqipëri. Në 2020, Dodë Rica ka hapur në Kosovë ‘Hotel Jakova’ dhe në 2022 “Cyborg Strip Club”.
Dodë Rica, pronari i rrjetit të klubeve të striptizmit ‘Shqiponja’, u arrestua sot në Durrës. Ai akuzohet nga autoritetet e Kosovës për trafik njerëzish dhe ndaj tij është caktuar masa arrest me burg në mungesë.
Shqiptarja.com sjell disa foto të Dodë Ricës, i cili ka shtrirë një rrjet biznesesh në Kosovë. Mirditori, 47-vjeçar, dallohet në një foto me Talat Xhaferrin, kohën kur ishte kryetar i Kuvendit të Republikës së Maqedonisë. Krah tyre është edhe ish-deputeti i PD, Azgan Haklaj.
“Me 2 miqtë e mi të shtëpisë me Deputetin PD Z. Azgan Haklaj Haklaj dhe Kryetarin e Kuvendit të Republikës se Maqedonisë Z.Talat Xhaferri”, shkruante Dodë Rica më 2019.
Po ashtu, në një prej bizneseve të tij, ‘Hotel Jakova’, Rica ka pritur në ambasadorin e Kosovës në Maqedoninë e Veriut, Gjergj Dedaj.
“Një kënaqësi të ndaja një pasdite të mrekullueshme me Ambasadorin e Kosovës në Maqedoninë Veriore Z.Gjergj Dedaj ne Restaurant Bar Casa de Oro në Hotel Jakova”, shkruante ai në mars 2021.
Shqiptarja.com sjell edhe një video të Dodë Ricës ndërsa gjuan me armë në Poligon, e nuk mungojnë as fotot me puro në rrjete.
Rica ka qenë edhe më herët i hetuar nga autoritetet në Kosovë. Nga viti 2017 deri më 21 mars 2019, përmes biznesit “Shqiponja Strip Club”, Dodë Rica dyshohej se ka kryer shmangie tatimore në shumën prej 36 mijë e 389 euro dhe u vu në hetim. Në Kosovë, ai ka hapur edhe ‘Hotel Jakova’, si edhe ‘Cyborg Strip Club’.
Komente
Lajme të tjera
-
Avokati Ben Emmerson tërhiqet nga mbrojtja e Kadri Veselit në Gjykatën Speciale
22 Gusht, 07:56 -
Ura e Ibrit si çështje serioze dhe ‘tallavaja’ e opinionit publik e atij politik!
22 Gusht, 07:37
-
Shefi i CIA-s në Ballkan, në fokus të diskutimeve Kosova dhe Bosnja
22 Gusht, 07:32 -
Ambasadori i SHBA Hovenier: Po përballemi me disa sfida me qeverinë e Kosovës! Ndikim në partneritetin mes vendeve
21 Gusht, 18:57 -
Mbi 600 gjoba në 10 ditë, Policia e Durrësit bën bilancin: U pezulluan 10 leje drejtimi! Procedohen 20 shoferë
21 Gusht, 15:53 -
Kurti kërkon që SHBA-të të bëjnë trysni ndaj Serbisë për dorëzimin e Radoiçiçit
21 Gusht, 15:20 -
Anijet me mbetje toksike, Bardhi kërkon hetim parlamentar! Meta akuzon Ramën për rikthimin e ligjit të importit të mbetjeve
21 Gusht, 15:16 -
Anijet me 816 tonë mbetje toksike të KURUM drejt Tajlandës! Prokuroria e Durrësit nis hetimet për 3 akuza! Në letra u shënuan ‘të parrezikshme’
21 Gusht, 14:55 -
Ndihmës Sekretari i Përgjithshëm i NATO-s takohet me Vuçiç, diskutojnë për sigurinë në Kosovë
21 Gusht, 14:23 -
Ambasadori amerikan: Përkushtimi i SHBA-së ndaj popullit të Kosovës i palëkundur, por nuk vlen për çdo qeveri
21 Gusht, 14:02 -
Makina përplas për vdekje 63-vjeçarin në rrugën dytësore Plepa-Kavajë! Autori largohet nga vendi i ngjarjes
21 Gusht, 09:21 -
Ngjarje e rëndë në Prishtinë, gruaja vret me armë kunatin
20 Gusht, 21:56
Stripclub patriotik paska qene. Do na ftohet shqiponja pa pupla.
Përgjigju