POP 5

Lajmet më të lexuara të 5 minutave të fundit

Ekonomi

Nga 1 janari 2024 taksohen profesionet e lira, 15% dhe 23%! Udhëzimi, ja mënyra se si do të bëhet tatimi

Të gjithë të vetë-punësuarit që deklarojnë fitime deri në 14 milionë lekë prej 1 janarit të vitit të ardhshëm do të paguajnë 15% tatim, ndërsa ata që deklarojnë më shumë do të paguajnë 23% tatim. Në fletoren Zyrtare është zbardhur vendimi mbi mënyrën se si do të bëhet tatimi

Prej 1 janarit të vitit të ardhshëm të vetë-punësuarit ku përfshihen edhe profesionistët e lirë do të paguajnë tatim, në varësi të të ardhurave të tyre, ndërkohë që së fundmi është publikuar në fletoren zyrtare udhëzimi i cili përmes shembujve konkretë përcakton mënyrën se si do të taksohen kategori të ndryshme.

Nga viti 2024, të gjithë të vetë-punësuarit me të ardhura neto të tatueshme deri në 14 milionë lekë në vit do të paguajnë tatim 15%, ndërsa mbi 14 milionë lekë tatimi do të jetë në 23%. Në këtë mënyrë kjo kategori nuk do të trajtohet më si biznes i vogël që është i përjashtuar nga tatim-fitimi dhe TVSH-ja.

Në udhëzimin e Ministrisë së Financave  sqarohen me shifra se sa tatim do të paguaj kjo kategori, duke dhënë si shembull se të gjithë të vetë-punësuarit që deklarojnë fitim të 12 milionë lekë do të paguajnë 15% tatim ose 1.8 milionë lekë.

Shembulli tjetër është për ata që kalojnë pragun prej 14 milionë lekësh.

Konkretisht nëse një i vetëpunësuar deklaron fitimin e tatueshëm 20 milionë lekë do të paguaj 23% tatim ose e përkthyer në vlerë 3.48 milionë lekë tatim.

Një vendimmarrje e tillë u ndërmor nga Ministria e Financave për shkak se shumë profesionistë të lirë, ofronin shërbimin e tyre për kompani të ndryshme ndërkohë që nuk paguanin tatim për shkak se janë të regjistruar si persona fizik.

Për shembull, nëse një dentist i punësuar është i detyruar të paguajë tatim mbi pagën që merr, dentisti i regjistruar si person fizik nuk paguan tatim por vetëm paguan vetëm sigurimet shoqërore.

Sipas Fondit Monetar Ndërkombëtar në Shqipëri janë mbi 8 mijë persona fizik që ofrojnë shërbime (kontabilistë, arkitektë, konsulentë biznesi, programues kompjuterësh, dentistë, inxhinierë, profesionistë mjekësorë dhe avokatë).

Ndryshimet ligjore për tatimin e profesioneve të lira të cilat deri më tani nuk janë tatuar u miratuan në Kuvend në mars të këtij viti.

(Kliko këtu për të lexuar dokumentin e plotë)

G.MO/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Xhuli: 17/01/2024 12:47

    Prandaj po ikën i gjithë populli drejt gjermanisë

    Përgjigju
  • Zamir: 20/12/2023 21:31

    Shum Mire ja kane bere Per ato qe duan te jetojn ne Kete vend te mallkuar super me behet Qjefi

    Përgjigju
  • Qytetar: 22/09/2023 12:01

    Une profesion i lire qe paguaj taksa bashkie, financiere, do paguaj 15% qe ne faturen e parw. Dikush pa NIPT fare, individ, paguan njesoj 15% pa keto havalet e taksave e financiereve e auditeve. Kaluam nga 0 ne 15%. Te pakten ta bente me fasha ose progresiv ne vite.

    Përgjigju
    • A. N.: 22/09/2023 13:22

      I prene me sepate: 15 dhe 23% fashat

  • Kosova: 22/09/2023 11:15

    A po aspironi te hyni ne BE? Kjo eshte Europa.

    Përgjigju
  • Gjermani Gjermani: 22/09/2023 02:35

    Gjermani Gjermani

    Përgjigju
  • Pite: 22/09/2023 00:05

    E hengri dhe biznesi i vogel qe mban familjen me buke. Nuk duhet te pikoje per asnje njeri vec resorteve dhe koncesioneve. Vazhdoni me gjakpirje.

    Përgjigju
  • Sondazhi: 21/09/2023 19:19

    Si ishte ajo e biznesit to vogël me taksë zero? Uahahahahahja

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu