POP 5

Lajmet më të lexuara të 5 minutave të fundit

Kronikë

Durrës, jepet koncesioni për
landfillin për 1.9 mln ton plehra

Landfilli i Manzës, në qarkun e Durrësit, i është dhënë firmës italiane Kinexia dhe firmes shqiptare Albania Landfill Energia (ALE shpk) nga ministria e Mjedisit. Lajmi është mësuar jo në rrugë zyrtare, por nga burime të Shqiptarja.com. Bëhet fjalë për një landfill qe do të mundësojë përpunimin e 1.9 milionë tonë plehrave në total dhe prodhimin e biogazit, ku në tridhjetë vite parashikohen të ardhura prej 60 milionë eurosh.
Durrës, jepet koncesioni për<br />landfillin për 1.9 mln ton plehra
Landfilli i Durrësit, që do të ngrihet në qytezën e Manzës, pak kilometra larg qytetit të Durrësit, i është dhënë firmës italiane Kinexia dhe firmes shqiptare Albania Landfill Energia (ALE shpk) nga ministria e Mjedisit. Lajmi është mësuar jo në rrugë zyrtare, por nga burime të Shqiptarja.com. 

Bëhet fjalë për një landfill qe do të mundësojë përpunimin e 1.9 milionë tonë plehrave në total dhe prodhimin e biogazit, ku në tridhjetë vite parashikohen të ardhura prej 60 milionë eurosh. Nga Qarku i Durrësit do të përpunohen 100 mijë tonelata në vit.

Tenderi për këtë landfill mësohet se është hapur në 18 nëntor të 2014 nga Ministria e Mjedisit dhe tani në pjesën e parë të 2015 është fituar nga kompania italiane në bashkëpunim atë shqiptare, kjo e fundit ortake vetëm në 10 përqind.

Rezultati i tenderit dhe fituesi është firmosur nga Ministri i Mjedisit Lefter Koka, pas përfundimit të arritur nga një komision prej 7 anëtarësh. Koncensioni, që duhet të perfeksionohet në 30 ditët e ardhshme, parashikon një periudhë menaxhimi prej 30 vitesh, me një investim prej 20 milionë euro.

Por çfarë parashikohet të bëhet në landfillin e Manzës? Këtu do të përpunohen 1.9 milionë tonelata mbeturina me një çmim grumbullimi 3747.68 Lek për ton, (baraz me 26,5€) duke nisur nga viti I parë, dhe prej tyre do të prodhohet biogas. Cmimi e 26.5 euro për ton do paguhet nga bashkitë e ndryshme që do dorëzojnë atje mbeturinat.

Kush është kompania italiane? Kinexia S.p.a. është një shoqëri e kuotuar në bursë dhe merret me energjitë e rinovueshme dhe ambjentin. Ka për president dhe Administrator Pietro Colucci.

Ndërsa firma shqiptare "ALBANIA LANDFIL ENERGIA A.L.E" është krijuar në fund të shkurtit të 2012 dhe në 4 maj 2012 kishte marrë një leje nga ministria e Ambjentit në kohën e Berishës. "ALBANIA LANDFIL ENERGIA A.L.E" ka si administrator italianin Mario La Porta dhe pronarë Arjan Xhihanin 50 përqind dhe Giorgio Loreton po 50 përqind.

PDF- Dokumenti i QKR

Sipas të dhënave të Shqiptarja.com fillimi i procedurave ligjiore në landfill është parashikuar në gjysmën e dytë të 2015, ndërsa punimet në vitin 2016. Landfilli I Manzës ka qenë disa herë në qendër të polemikave se kush duhet të përpunojë plehrat aty dhe në cilat kushte. Për tenderin e fituar nga firma italiane, ende nuk ka të dhëna zyrtare.

Redaksia Online
(g.f/Shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57