DURRES- Një plagosje me armë zjarri ka ndodhur mbrëmjen e sotme në lagjen numër 5 në qytetin e Durrësit. Persona të paidentifikuar kanë qëlluar me armë një 35-vjeçar pranë shtëpisë së tij.

Shtetasi Roland Zisi është qëlluar duke hyrë në banesën e tij. Plumbi e ka goridut në këmbë, ndërkohë që ka qenë vëllai i tij, personi që e ka dërguar menjëherë në spital.

Mësohet se 35-vjeçari ndodhet jashtë rrezikut për jetën.

Ndërsa në vendngjarje kanë mbërritur forcat e policisë të qytetit të Durrësit dhe po punohet për zbardhjen e plotë të rrethanave të ngjarjes dhe kapjen e autorëve.

Redaksia Online
(e.s/shqiptarja.com)