POP 5

Lajmet më të lexuara të 5 minutave të fundit

Kronikë

Durrës, plazhi më i madh në vend nuk ofron siguri! Pushuesit: Duhet të jenë rojet bregdetare

Në ditët e nxehta të qershorit të shumë janë pushuesit vendas dhe nga Kosova,  që kanë zgjedhur bregdetin e Durrësit. Edhe këtë vit, si edhe në vitet e mëparshme, mungon siguria në plazhe. Nga një vëzhgim i Report Tv rezulton se kullat e vrojtimit janë të boshatisura.

Në plazhet e Durrësit pushuesit janë të shqetësuar për mungesën e sigurisë. Edhe pse sezoni ka nisur, kullat e vrojtimit nuk janë në funksion, pasi mungojnë rojet bregdetare.

Operatorët turistikë shprehen se Ministria e Turizmit ende nuk ka miratuar lejet për plazhet publike, për shkak të konflikteve me ndarjen e hapësirës së rërës.

“Është thelbësore për këdo që do të mbajë një pjesë plazhi, që të ketë një roje bregdetare. Dhe ne, ashtu si çdo vit, e kemi marrë, pasi i jep siguri klientëve", tha Blerim Norja, operator turistik.

I pyetur në lidhje me “ngërçin” e ndarjes së hapësirës publike nga ajo private, Norja u shpreh:

“Është e vërtetë që ka ndikuar në vonesën e vendosjes së rojeve bregdetare. Ekziston një ngërç, që presim se do të gjejë zgjidhje shumë shpejt. Ngërçi ka ndodhur midis ndarjes së parcelave të plazhit.”

Katër kilometra vije bregdetare dhe në plazhin më të populluar në vend nuk ka siguri. Vetë pushuesit shprehen se të moshuarit dhe fëmijët janë ata që kanë nevojë më së shumti.

"Që kur kam ardhur nuk kam parë roje plazhi, ka fëmijë të vegjël, ato duhen. U vejnë kabinat dhe nuk ka roje plazhi", tha një pushuese.

"Duhet për sigurimin e fëmijëve dhe personave që janë këtu. Nuk kam parë roje plazhi nuk ka, vetëm policinë kam parë që kalon këtu", tha një pushues.

Siguria në plazhe ndër vite ka qenë problem, ku janë shënuar edhe viktima. 

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57