DURRËS - 4 nxënës në Kosova, mosha apo identiteti i të cilëve nuk bëhet i ditur, kanë rrezikuar të mbyten ditën e djeshme në Golem pranë vendit të quajtur “Mali i Robit”.

Rreth orës 14.00, Policia Kufitare Durrës është njoftuar se një pedalone me katër nxënës shkollash të Kosovës kishte hyrë në det dhe për një kohë të gjatë nuk kishte dalë në breg.
 
Menjëherë pas njoftimit bëhet e ditur se në drejtim të tyre është nisur një mjet lundrues i Policisë Kufitare, i cili konstaton dy pedalina në atë sektor dhe i ndihmoi ato të dalin në breg.
 
Pas verifikimi rezultoi se pedalina e dytë me tre persona, në të cilën ndodheshin dy mësues dhe një nxënës, kishte hyrë më vonë në det për t’iu ardhur në ndihmë nxënësve të cilët rrezikonin të mbyteshin në det.
 
Redaksia Online
(a.h/shqiptarja.com)