DURRES-Një 41-vjeçar ka humbur jetën në spital pas dhunës që ushtroi i ati 70-vjeç, i cili është me probleme mendore. Ngjarja ka ndodhur në datë 2 korrik në fshatin Gjuricaj të njësisë administrative Ishëm. Viktima është Agron Tema, ndërsa i ati i tij, Xhavit Tema 70-vjeç është arrestuar. Sipas burimeve të Report Tv nga policia e Durrësit, më datë 2 korrik në orën 05:00 të mëngjesit i moshuari ka marrë një shkop që shtypen ullinjtë që peshon rreth 5 kg në formën e topuzit dhe në momentin që i biri ka qenë në gjumë e ka qëlluar në kokë duke i çarë kafkën.

41 vjecari fillimisht u dërgua në spital në Durrës dhe prej andej në Tiranë, pasi ishte në gjendje të rëndë, por nuk mundi të mbijetojë, pasi dje ka ndërruar jetë. 70-vjeçari qëlloi edhe gruan e djalit tjetër por fatmirësisht pa pasoja të rënda, Jurlinda Tema ndodhet jashtë rrezikut për jetën pas mjekimit që mori në spital. Autori është arrestuar dhe ndodhet në spitalin e burgut pasi është i sëmurë psikik. Xhavit Tema sipas burime nga grupi hetimor mjekohej prej disa kohësh me ilaçe, pasi kishte probleme mendore.