Durrës, në ballkon me prindërit, vajza 3 vjeçe rrëzohet nga kati i shtatë, e pret tenda poshtë

Durrës-  Një vajzë e mitur vetëm 3 vjeçe u rrëzua nga ballkoni i apartamentit në katin e shtatë, ku ishte së bashku me prindërit e saj në lagjen nr 13 në zonën e plazhit në Durrës. Ngjarja e ndodhur mbrëmjen e sotme (5 mars) rreth orës 20:07 dyshohet se ka qenë aksidentale, ndërsa e vogla është transportuar në spitalin e qytetit ku nddodhet në gjendje të rëndë.

E mitura gjatë rënies është pritur nga një tendë, duke shmangur në këtë mënyrë përplasjen e fortë me tokën. 

Nga pamjet e siguruara nga Report TV nga vendngjarja duket se është shtrembëruar tenda biznesit në kat të parë.

'Durrës/Informacion paraprak 

Rreth orës 20:07, në lagjen nr. 13, dyshohet se aksidentalisht ka rënë nga ballkoni i apartamentit në kat të shtatë, ku ishte së bashku me prindërit e saj, një 3-vjeçare.

Si pasojë e dëmtimeve të marra, e mitura po merr ndihmë mjekësore në spitalin rajonal të Durrësit dhe është në gjendje të rëndë shëndetësore,' thuhet në njoftimin e policisë.

Grupi hetimor po punon për sqarimin dhe dokumentimin me prova ligjore të rrethanave të ngjarjes.

G.K/S.G/Shqiptarja.com

TAG:
• rrezohet nga ballkoni
• Durres