DURRES- Grabitja është pista kryesore ku po heton Policia e Durrësit, për vrasjen e Elsa dhe Gjinovefa Vava, 70 dhe 75 vjeçe. Burime zyrtare nga uniformat blu, konfirmuan atë që kishte shkruar “Shqiptarja.com”, që në banesë ishin grabitur 200 mijë lekë dhe dyshimet janë që kjo të ketë qenë edhe arsyeja e vrasjes së tyre. Mësohet se policia me urdhër të prokurorisë ka nisur përgjimet telefonike të disa personave të cilët dyshohet se, janë apo mund të kenë dijeni në lidhje me ngjarjen e rëndë të ndodhur dy ditë më parë në lagjen numër 11, në Durrës.