POP 5

Lajmet më të lexuara të 5 minutave të fundit

Kronikë

Durrës, zhduken dy peshkatarë
Kërkime me helikopter e 2 anije

Dy peshkatarë  rezultojnë të humbur që nga mbrëmja e së dielës në Durrës. Avni Shahinaj dhe Bekim Maçinaj dolën për peshkim, me një barkë të vogel, pasdreken e së dielës në fshatin “Rinia”, po nuk janë kthyer më. Rreth mesditës është gjetur varka e tyre. Ministrja e Mbrojtjes ka vënë në dispozicion të operacionit të kërkimit një helikopteri SAR dhe dy anije. VIDEO
DURRES - Kishin dalë për të mbledhur rrjetat, por rezultojnë të zhdukur në det. Dy peshkatarët Avni Shahinaj 42 vjeç dhe Bekim Mançina 30 vjeç me origjinë nga Kukësi, e me banim në sektorin Rinia në Durrës, rezultojnë të zhdukur që prej pasdites së djeshme.

Në mungesë të kontaktit me të afërmit e tyre dhe vonesës në kthim, familjarët kanë denoncuar humbjen e dy peshkatarëve në polici. Burimet zyrtare të Policisë së Durrësit thonë se nisën kërkimet që në orët e para të mëngjesit për të lokalizuar dy të zhdukurit.
 
Rreth mesditës është gjetur një varkë e braktisur. Kanë qenë familjarët e dy peshkatarëve, të cilët kanë parë nga afër varkën dhe kanë deklaruar se është e dy peshkatarëve. Sipas policisë, mjeti lundrues është gjetur 5 milje larg sektorit “Rinia” në plazhin e Durrësit.  Policia njofton se kërkimet po vazhdojnë akoma nga deti dhe nga ajri me helikopter, edhe pse vështirësia është e madhe, pasi dallgët në det arrijnë deti në 7 ballë.

Polumbarët, Policia Kufitare, dy anije të Delta Force, dhe një helikopter po vijojnë operacionin e kërkim-shpëtimit. Ministria e Mbrojtjes njoftoi se është vënë në dispozicion të kërkimit të peshkatarëve të zhdukur helikopteri SAR.

helikopter sar

Me herët Ministrja e Mbrojtjes ka vënë në dispozicion të kërkimeve 2 anije. Sipas Ministrisë së Mbrojtjes në orën 07.40 të ditës së djeshme, komandanti i Forcës Detare, gjeneral brigade Qemal Shkurti, vlerësoi situatën dhe urdhëroi anijen MV-118 me komandant kapiten lejtënant Ervin Mucka për të nisur operacion e kërkim-shpëtimit në rajonin e Gjirit të Lalzit, ku dyshohet për humbjen e dy peshkatarëve.

varke

Më pas, në orën 10.10, të datës 5 janar 2015, në ndihmë të këtij operacioni është dërguar edhe anija e Rojes Bregdetare “Iliria”, P-131, me komandant kapiten lejtënant Edison Hoxha, e cila po vazhdon operacionin e kërkim-shpëtimit në të gjithë zonën detare të Gjirit të Lalzit. Deri tani, ndonëse kërkimet janë intensifikuar, ende nuk ka ndonjë rezultat konkret.

Redaksia Online
(e.c/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

15 Janar, 21:27 nga Xhensila Nako