Dy deputete të PDIU-së kalojnë tek PS, Rama siguron 76 mandate (EMRAT)

Fillimi i punimeve për Rrugën e Arbrit i dha menjëherë frytet për mazhorancën socialiste. 

Kur deputetja e PDIU-së Reme Lala hipi në foltoren e aktivitetit qeveritar, fillimisht dëshmoi se gjakrat e nxehura e të shpërndara brenda mureve konfliktuale të Bashkisë Dibër në 31 janar të këtij viti, në konfliktin PS-PDIU ishin pastruar.  Siç deputetja më e re parlamentit rrëfeu më pas, Edi Rama ishte arsyeja që ajo kishte shpëtuar mandatin. 

“Ju pata thënë se unë do ta digjja mandatin nëse nuk bëhej rruga e Arbrit. Faleminderit që ma shpëtove mandatin, z. Edi Rama e nuk u bëre si besa e prerë e burrave të Dibrës në Tiranë”. -u shpreh ajo. 

Por nuk ishte kjo surpriza e parë apo e fundit. Reme Lala tha se tashmë kishte vendosur të bashkohej me më të mirët. 

“Unë ju kam thënë se nuk kam parti, e se partia ime është Dibra. Por sot unë dua të bashkohem me më të mirët. Unë dua të jem pjesë e Partisë Socialiste”.


Deputetet e PDIU Reme Lala dhe Elena Xhina

Por Reme Lala nuk kishte ardhur vetëm pranë Edi Ramës të cilit menjëherë i drejtohet si “kryetar”. 

“Zoti kryetar, unë nuk kam ardhur vetëm, kam ardhur edhe me një zonjë tjetër të nderuar, e cila do një të ardhme më të mirë për vendlindjen e saj. Edhe ajo do të bashkohet me më të mirët. Ajo është Elena Xhina”. 

LEXO EDHE:
Një letër për studentin e gazetarisë në kohën e marrëzisë

Sondazhi i ditës:

A duhet prokurorëve të SPAK-ut t'u jepet e drejta e rikandidimit?

• Po

  61.2%

• Jo

  31.5%

• Nuk e di

  7.3%

Vota total: 178

• Sondazhi i ditës:

  A duhet prokurorëve të SPAK-ut t'u jepet e drejta e rikandidimit?

  Po Jo Nuk e di